პროექტის მიზანია კანონთან კონფლიქტში მყოფი პირების საზოგადოებაში ინტეგრაციის პროცესის ხელშეწყობა სამთავრობო ორგანიზაციებს, ბიზნეს კომპანიებსა და საზოგადოებრივ ორგანიზაციებს შორის თანამშრომლობის გზით. დასახული მიზნის მისაღწევად საწყის ეტაპზევე შემუშავდა სოციალური კამპანია, ფართო აუდიტორიისა და პროექტის სამიზნე ჯგუფის წარმომადგენელთა (პრობაციონერები, მსჯავრდებულები და ყოფილი მსჯავრდებულები) ყურადღების მიპყრობის მიზნით. აღნიშნულის პარალელურად, საქართველოს სხვადასხვა რეგიონში ტარდება საინფორმაციო შეხვედრები და ტრენინგები სოციალურ და სამუშაოს მოძიების უნარებზე.

1. პრობაციონერების, მსჯავრდებულებისა და ყოფილი მსჯავრდებულების მომზადება სამუშაო ბაზრისთვის. სხვადასხვა ტრენინგებისა და სამუშაო შესაძლებლობების შეთავაზებით.
2. ადვოკატირებისა და მედია კამპანიის საშუალებით სამთავრობო უწყებების, ბიზნეს სექტორისა, საზოგადოებრივი ორგანიზაციებისა და საზოგადოების მომზადება კანონთან კონფლიქტში მყოფი პირების ინტეგრაციის უზრუნველსაყოფად.

2 ვიდეო ისტორია წარმატებული ბენეფიციარების შესახებ.
24 პოსტერი, საერთაშორისო და ადგილობრივი კვლევის შედეგების გასაცნობად.
სასწავლო ვიზიტი ბერლინში, საქართველოს მთავრობის წარმომადგენელთათვის.