ჰორიზონტი 2020 არის ევროკავშირის კვლევისა და ინოვაციის უმსხვილესი პროგრამა დაახლოებით 80 მილიარდი ევროს ბიუჯეტით, რომელიც 7 წლის მანძილზე (2014-2020) გრანტების სახით მოხმარდება სამეცნიერო თუ კვლევით აღმოჩენებს, გამოგონებებს, ინოვაციებსა და საუკეთესო იდეებს.

ეს არის მსოფლიოში მოქმედი ყველაზე ფართო მულტინაციონალური პროგრამა კვლევისა და ინოვაციის სფეროში. მკვლევარებს, უნივერსიტეტებს, კვლევით ორგანიზაციებს, კომპანიებსა თუ არასამთავრობო ორგანიზაციებს მთელი მსოფლიოს მასშტაბით შესაძლებლობა აქვთ გააკეთონ განაცხადი და ჩაერთონ სამუშაო პროგრამის აქტივობებში.

პროგრამის მისიაა ხელი შეუწყოს ბრწყინვალე მეცნიერებას, უპასუხოს საზოგადოებრივ და ინდუსტრიულ გამოწვევებს. ჰორიზონტი 2020 წარმოადგენს ფინანსურ ინსტრუმენტს, რომელმაც უნდა უზრუნველყოს ევროპის კონკურენტუნარიანობა მსოფლიოს მასშტაბით. ამაში მოიაზრება ეკონომიური ზრდა და ახალი სამსახურების შექმნა. სწორედ ამ მიზეზით, ჰორიზონტი 2020-ს ევროპის ლიდერების და ევროკავშირის პარლამენტის წევრების მხრიდან პოლიტიკური მხარდაჭერა აქვს. ევროპის ლიდერები თანხმდებიან, რომ კვლევებისა და ინოვაციების მხარდაჭერა არის ინვესტიცია საერთო ევროპული მომავლისათვის.

საქართველოს კვლევისა და ინოვაციების სექტორის გაძლიერების ხელშწყობა.

- საქართველოში კვლევისა და ინოვაციის ეკოსისტემის განვითარება
- საქართველოს კვლევისა და ინოვაციის პოტენციალის გამოვლენა-გაძლიერება
- საერთაშორისო თანამშრომლობის გაძლიერება ევროკავშირის წევრ და მსოფლიოს სხვა ქვეყნებთან კვლევისა და ინოვაციის კუთხით
- საერთაშორისო თანამშრომლობითი კვლევითი პროექტები
- საქართველოსთვის განვითარებული ქვეყნების ცოდნის, ტექნოლოგიებისა და ინოვაციის გაზიარება
- ტალანტების გამოვლენა და შენარჩუნება, გადინების შემცირება, უცხოელი მკვლევარებისა და ინოვატორების მოზიდვა.