პროგრამა მიზნად ისახავს საქართველოში მცირე და საშუალო საწარმოების კონკურენტუნარიანობის ზრდას, ექსპორტის ხელშეწყობას, ახალი სტანდარტების შემოღებასა და DCFTA-ს (ევროკავშირთან შეთანხმება თავისუფალი ვაჭრობის შესახებ) შესახებ ინფორმირებულობის ამაღლებას. პროგრამით სარგებლობენ ადგილობრივი კერძო საწარმოები, რომლებიც ასაქმებენ არაუმეტეს 250 თანამშრომელს, ხოლო მათი წლიური ბრუნვა არ აღემატება 50 მილიონ ევროს. საწარმოებს შეუძლიათ მიიღონ კონსულტაციები ადგილობრივი კონსულტანტებისგან, ან დარგობრივი ექსპერტიზა უცხოელი ექსპერტებისგან. პროგრამა ბენეფიციარებს ასევე თავაზობს ტრენინგებსა და სემინარებს, საკონსულტაციო მომსახურებას ექსპორტის განვითარების მიზნით, და ბაზრის განვითარებაზე მიმართულ აქტივობებს.

პროგრამის ამოცანებია მცირე და საშუალო საწარმოების კონკურენტუნარიანობის ზრდა; ექსპორტის გამარტივება; ახალი სტანდარტების შემოღება; DCFTA -ის სარგებელის შესახებ ინფორმირებულობის ამაღლება; ფინანსებზე წვდომის გაუმჯობესება; საკონსულტაციო მომსახურების უფრო ფართო გამოყენებასა და ხარისხის ამაღლება ადგილობრივ დონეზე.

ყოველწლიურად, EBRD მცირე და საშუალო ბიზნესის დაფინანსებისა და განვითარების გუნდი 70-ზე მეტ პროექტს ახორციელებს. პროექტების 44 პროცენტი ხორციელდება თბილისის გარეთ. პროექტის შედეგების შეფასება დასრულებიდან ერთ წელიწადში ხდება. გასული წლის შედეგები ასე გამოიყურება:
• კლიენტების 88%-ს გაეზარდა ბრუნვა საშუალოდ 58%-ით, წარმადობა 72%-ით
• 66% შექმნა ახალი სამუშაო ადგილოი
• კლიენტების 10% მიიღო დაფინანსება