შეხვდით ევროკავშირის წევრი სახელმწიფოების წარმომადგენლებს, აღმოაჩინეთ მათი კულტურა, გაეცანით ევროკავშირის სადამკვირვებლო მისიის საქმიანობას და გაიგეთ, როგორ უწყობს ხელს ევროპის საინვესტიციო ბანკი ქვეყნის განვითარებას.

შეაბიჯეთ ევროკავშირის მიერ დაფინანსებული ინიციატივების სამყაროში და ნახეთ როგორ უწყობენ ისინი ხელს ცხოვრების გაუმჯობესებას მთელი საქართველოს მასშტაბით, განათლებიდან მდგრად განვითარებამდე, დასაქმებიდან თანასწორობამდე.

მოუსმინე გამორჩეულ მომხსენებლებს საქართველოდან და ევროპიდან, რომლებიც იმსჯელებენ ევროპული ღირებულებების პრაქტიკულ მნიშვნელობაზე და მათ როლზე საქართველოს მომავლის ჩამოყალიბებაში.

ვიზუალური მოგზაურობა ბოლო ათწლეულში საქართველოში მიმდინარე ცვლილებების შესახებ, რომელიც წარმოადგენს კონკურსში „ევროკავშირის პრიზი ჟურნალისტიკაში“ გამარჯვებულ დოკუმენტურ ფოტოებს.

შეუერთდით ახალგაზრდებს ინტერაქტიულ თამაშში და აღმოაჩინეთ ევროკავშირის ისტორია, ლიტერატურა და ღირებულებები საინტერესო და სახალისო გზით. წაიკითხეთ აქ

შეუერთდით შეფ ქეთი ბაქრაძეს და ევროკავშირის დიპლომატებს კულინარიის სპეციალურ სესიაზე, სადაც წარმოდგენილია ავთენტური ევროპული კერძები.

მიიღეთ გამორჩეული გამოცდილება და გაიგეთ მეტი ქართული ტრადიციების, ევროპული ღირებულებებისა და სამოქალაქო საზოგადოების როლის შესახებ.

დააგემოვნეთ ფერმერების მიერ წარმოებული პროდუქცია საქართველოს რეგიონებიდან და გაიგეთ როგორ უჭერს მხარს ევროკავშირი მდგრად სოფლის მეურნეობასა და სოფლის განვითარებას.

შეხვდით ადგილობრივ ოსტატებს, აღმოაჩინეთ მათი გამორჩეული ნამუშევრები და გაიგეთ როგორ ეხმარება ევროკავშირი საქართველოს კულტურისა და ტრადიციების შენარჩუნებაში, ახალი ეკონომიკური შესაძლებლობების შექმნით.

შემოგვიერთდით კინოჩვენებაზე, რომელზეც წარმოდგენილი იქნება ევროკავშირის მხარდაჭერით შექმნილი მრავალფეროვანი დოკუმენტური და მოკლემეტრაჟიანი ფილმები, ვიდეო სერიები და stop-motion ანიმაცია. ნამუშევრები რეალურ ისტორიებსა და საქართველოში ევროკავშირის მიერ დაფინანსებული ინიციატივების მიერ განხორციელებულ პოზიტიურ ცვლილებებს ასახავს.