პრესის თავისუფლების მსოფლიო დღის აღსანიშნავად, დღეს, 3 მაისს, საქართველოში ევროკავშირის წარმომადგენლობა აცხადებს მე–15 კონკურსს ჟურნალისტიკაში, რომლის მიზანი ქართულ მედიაში პროფესიონალიზმისა და ეთიკის მხარდაჭერაა.
გიწვევთ ევროპის დღის – 9 მაისის აღნიშვნაზე Expo Georgia-ში, სადაც მე-3 პავილიონის „შესაძლებლობების სივრცეში“ დეტალურ ინფორმაციას მიიღებთ კონკურსის წესებისა და განაცხადის წარდგენის შესახებ.
კონკურსში მონაწილეობის მიღება შეუძლიათ ჟურნალისტებს, ფოტოგრაფებს, ბლოგერებსა და ჟურნალისტიკით დაინტერესებულ სტუდენტებს. განაცხადების მიღება გაგრძელდება 2026 წლის 25 სექტემბრამდე.
