დღესასწაულის გულში უნიკალური სუფრა იყო, რომლის კურატორიც თანამედროვე ქართული სამზარეულოს ერთ-ერთი ყველაზე გამორჩეული ფიგურა, შეფ-მზარეული თეკუნა გაჩეჩილაძე გახლდათ. ის ერთ-ერთი პირველი იყო, ვინც ქართული გემოები და კერძები დასავლურ კულინარიულ სტილებს შეუხამა და თანამედროვე ქართული სამზარეულოს ახალი მიმართულება შექმნა.
ვენახებს შორის გაშლილ სუფრასთან ევროპა და კახეთი ერთმანეთს კერძების, ღვინისა და სტუმართმოყვარეობის ენით შეხვდნენ — ევროპული ყველი, პური, საკონდიტრო ნაწარმი და გემოები ქართული ინგრედიენტებისა და ტრადიციების თანხლებით.
კონცერტი
ევროპის დღეს ქართული ბენდი “გამოუვალი მდგომარეობა” საღამოს 18:00 საათზე კონცერტით დაასრულებს.
ევროპის გუნდი
ევროკავშირის წევრი ქვეყნების საელჩოები თავიანთ ქვეყნებს გასტრონომიისა და ინტერაქციული კულტურული გამოცდილების საშუალებით წარმოადგენენ. ეროვნულ კერძებთან და პროდუქტებთან ერთად, საელჩოები ვიქტორინებს, თამაშებს და სხვა გასართობ აქტივობებს შემოგთავაზებენ.
ევროკავშირის პროექტები
საქართველოში ევროკავშირის მხარდაჭერით განხორციელებული პროექტები კახეთშიც შემოგვიერთდებიან და ტრადიციულად საინტერესო და ინტერაქციულ ვორქშოპებს, ქვიზებს და ბევრ გასართობ და საგანმანათლებლო აქტივობას შემოგვთავაზებენ.
ველომსვლელობა
თუ კახეთის ულამაზეს ლანდშაფტში ველოსიპედით გასეირნება გადაწყვიტეთ, მაშინ ველოტურის ჯგუფს შემოუერთდით. ველომსვლელობაში მონაწილეობის მისაღებად, გთხოვთ გაიაროთ რეგისტრაცია.
ცოდნის ბორბალი
დაატრიალეთ ცოდნის ბორბალი, უპასუხეთ შეკითხვებს ევროკავშირისა და მისი წევრი ქვეყნების შესახებ და მოიგეთ პრიზები.
VR მოგზაურობა
იმოგზაურეთ ვირტუალურად 20-ზე მეტ ევროპულ ქალაქში და ისიამოვნეთ ინტერაქციული გამოცდილებით.
თეატრალური წარმოდგენა “გაფუჭებული ტელეფონი”
“თამაშობანას” პოპულარული “გაფუჭებული ტელეფონი” კახეთსაც ესტუმრება და მაყურებელს აქაც არ დატოვებს გულგრილს.
მწვანე კუთხე
მოგიყვებით ნივთების ხელახლა გამოყენების, შეკეთებისა და განახლების პრაქტიკულ გზებზე და რას აკეთებს ევროკავშირი საქართველოს მწვანე მომავლისთვის.
ფოტოგრაფიის ვორქშოპი
დაესწარით პრაქტიკულ ვორქშოპს, რომელსაც პროფესიონალი ფოტოგრაფები გაუძღვებიან.
გაიარეთ რეგისტრაცია:
გიორგი შენგელია
ნათელა გრიგალაშვილი
სამაგიდო თამაშები
კახეთში ყველასთვის ცნობილი სამაგიდო თამაშების კლუბი “თავსატეხი” არ მოგცემთ მოწყენის საშუალებას. ჩაერთეთ, ითამაშეთ და მოიგეთ პრიზები.
ჭიქა ღვინო, ამბავი, საუბარი
მეღვინეობა მოსმიერში, ევროპის დღეზე დღის სცენა ელჩებს, მწერლებს, მთარგმნელებს, ხელოვნებისა და განათლების სფეროს წარმომადგენლებს დაეთმო. საუბრები გაიმართა ბავშვთა უფლებებზე ლიტერატურაში, ევროპულ განათლებაზე და საზღვარგარეთ სწავლის შესაძლებლობებზე, ილიას უნივერსიტეტის რექტორმა, ქალბატონმა ნინო დობორჯგინიძემ კი წაიკითხა ლექცია “ილიას გზა განათლებაში”.
Wine Art
თამარ მაღლაფერიძე-დადეშქელიანის საავტორო მასტერკლასი
თანამედროვე ქართველი მხატვარი თამარ მაღლაფერიძე-დადეშქელიანი უნიკალურ მასტერკლასს გაუძღვა, სადაც ქართული ღვინო ბუნებრივ საღებავად იქცა და სტუმრებმა საკუთარი ნამუშევრების შექმნა შეძლეს.
ცნობილმა ქართველმა სომელიემ თეონა თოხაძემ, საქართველოს 2026 წლის საუკეთესო სომელიეს ტიტულის მფლობელმა, სტუმრებს ორ ინტერაქციულ ღვინის დეგუსტაციის სესიაზე უმასპინძლა. მონაწილეებმა დააგემოვნეს მოსმიერის ორი თეთრი ღვინო — ამბერ რქაწითელი, ქისი კლასიკური და წითელი შერეული აპასიმენტო დეკანოიძის მეღვინეობიდან. დეგუსტაციის პროცესში თეონა სტუმრებს ღვინის არომატების, გემოვნური თავისებურებებისა და დაყენების ტექნოლოგიების აღმოჩენაში გაუძღვა. სპეციალური არომატის და სახალისო სენსორული ქვიზების დახმარებით, სესიები შემეცნებითი და გასართობი იყო.
