ევროპის გუნდი
აღმოაჩინეთ მრავალფეროვანი სივრცე, რომელიც ევროკავშირის წევრი ქვეყნების გამოგონებებს ეძღვნება. ევროკავშირის წევრი ქვეყნების საელჩოები წარმოადგენენ სტენდებს და ინსტალაციებს, სადაც ვიზიტორები გაეცნობიან ევროპაში დაბადებულ იდეებს, გამოგონებებსა და აღმოჩენებს, რომლებმაც თანამედროვე სამყარო ჩამოაყალიბეს.
EU პროექტების სივრცე
აღმოაჩინეთ ევროკავშირისა და საქართველოს პარტნიორობის ისტორა, რომელიც 30 წელზე მეტს ითვლის, გაიცანით ქვეყნის მასშტაბით განხორციელებული რეალური ინიციატივები და მიიღეთ საინტერესო გამოცდილება. ჩაერთეთ სახალისო თამაშებში, ინტერაქციულ ინსტალაციებსა და მრავალფეროვან აქტივობებში.
Live პოდკასტი “ჩემი ევროპა, ჩემი მომავალი”
დაესწარით live პოდკასტს, სადაც დღის განმავლობაში სხვადასხვა წამყვანი საინტერესო სტუმრებთან ერთად განიხილავს მნიშვნელოვან თემებს ევროკავშირისა და საქართველოს ურთიერთობების შესახებ. რაც მთავარია, შენ შეგიძლია იყო არა მხოლოდ მსმენელი, არამედ ამ საუბრის მონაწილეც.
ბავშვთა სივრცე და სახალისო აქტივობები
შემოგვიერთდით შემოქმედებით ვორკშოპებსა და ინტერაქციულ თამაშებში — დაგხვდებათ სახალისო და მრავალფეროვანი აქტივობები ყველა ასაკისთვის. ევროპის დღე მთელი ოჯახის დღესასწაულია!
მწვანე კუთხე
შემოგვიერთდით „მწვანე კუთხეში“ და შეისწავლეთ პრაქტიკული გზები, როგორ გამოიყენოთ, აღადგინოთ და განაახლოთ ყოველდღიური გამოყენების ნივთები. გაიგეთ, როგორ თანამშრომლობენ ევროკავშირი და საქართველო მწვანე მომავლისთვის ინტერაქტიული სივრცეებისა და პრაქტიკული ვორკშოპების საშუალებით, რაც გარემოსდაცვით იდეებს ახალგაზრდებისა და ოჯახებისთვის ხელშესახებ გამოცდილებად აქცევს!
ფოტოგრაფიის ვორქშოპი
დაესწარით პრაქტიკული ფოტოგრაფიის ვორქშოპს და მიიღეთ რეალურ გარემოში პროფესიონალების მენტორობით მუშაობის გამოცდილება.
VR მოგზაურობა
გაემგზავრეთ ვირტუალურ მოგზაურობაში ევროპის 20-ზე მეტ ქალაქში და მიიღეთ სრულად ინტერაქციული გამოცდილება.
დღის სცენა
ევროპის დღის სცენას სასკოლო ანსამბლები, გუნდები და ნიჭიერი ადგილობრივი მოსწავლეები დაიკავებენ.
თეატრალური წარმოდგენა “გაფუჭებული ტელეფონი”
დაესწარით ბავშვებისთვის შექმნილ „თამაშობანას“ სახალისო და ინტერაქციულ სპექტაკლს „გაფუჭებული ტელეფონი“.
ცოდნის ბორბალი
დაატრიალეთ ცოდნის ბორბალი, გაიგეთ მეტი ევროკავშირისა და მისი წევრი სახელმწიფოების შესახებ ინტერაქციული თამაშის საშუალებით და მოიგეთ პრიზები.