ევროპის დღის შესახებ

ჩემი ევროპა, ჩემი მომავალი

ყოველ წელს, 9 მაისს, ევროპის დღეს ევროკავშირი 1950 წლის შუმანის დეკლარაციის წლისთავს აღნიშნავს. ამ დეკლარაციიდან იღებს სათავეს ის, რასაც ჩვენ დღეს ევროკავშირს ვუწოდებთ და რაც მშვიდობისა და თანამშრომლობის იდეაზეა დაფუძნებული.

წელს, ევროკავშირის წარმომადგენლობა საქართველოში ამ დღეს თბილისში, ექსპო ჯორჯიაში აღნიშნავს მრავალფეროვანი და ენერგიული ღონისძიებით, რომელიც თავს უყრის ევროკავშირის წევრ ქვეყნებს, პარტნიორ ორგანიზაციებს, კულტურის სფეროს წარმომადგენლებს და ფართო საზოგადოებას, რათა კიდევ ერთხელ გავუსვათ ხაზი ევროკავშირისა და საქართველოს პარტნიორობის მნიშვნელობას. ამასთან, წელს ევროკავშირსა და საქართველოს შორის პარტნიორობის 30 წლის იუბილე აღინიშნება — თანამშრომლობისა და საერთო ღირებულებების სამი ათწლეული.

შემოგვიერთდით 9 მაისს ექსპო ჯორჯიაში, სადაც დაგხვდებათ ცოცხალი წარმოდგენები, ევროკავშირის 27 წევრი ქვეყნის გამოფენები, მრავალფეროვანი სახალისო და საგანმანათლებლო აქტივობები, მუსიკა და ჩვენი საერთო ღირებულებების შთამბეჭდავი დღესასწაული.

ღონისძიებები

კულტურული, შემოქმედებითი ღონისძიებები, სახალისო, საგანმანათლებლო და მწვანე აქტივობები, გამოფენები და მრავალი სხვა – ყველაფერი, რაც 9 მაისს ექსპო ჯორჯიაში გელოდებათ.

პავილიონი 5-6

ევროპის გუნდი

აღმოაჩინეთ ინტერაქტიული, მრავალფეროვანი სივრცე, რომელიც ევროკავშირის წევრი ქვეყნების გამოგონებებს ეძღვნება. ევროკავშირის წევრი ქვეყნების საელჩოები წარმოგიდგენენ სტენდებსა და ინსტალაციებს, სადაც გაეცნობით ევროპაში დაბადებულ იდეებს, გამოგონებებსა და აღმოჩენებს, რომლებმაც თანამედროვე სამყაროს ფორმირება განაპირობა.

პავილიონი 11

EU პროექტების სივრცე

აღმოაჩინეთ ევროკავშირისა და საქართველოს პარტნიორობის 30-წლიანი ისტორა, გაიცანით ქვეყნის მასშტაბით განხორციელებული რეალური ინიციატივები და მიიღეთ საინტერესო გამოცდილება. ჩაერთეთ სახალისო თამაშებში, ინტერაქტიულ ინსტალაციებსა და მრავალფეროვან, შთამბეჭდავ აქტივობებში.

პავილიონი 4

Live პოდკასტი “ჩემი ევროპა, ჩემი მომავალი”

დაესწარით live პოდკასტს, სადაც დღის განმავლობაში სხვადასხვა წამყვანი საინტერესო სტუმრებთან ერთად განიხილავს მნიშვნელოვან თემებს ევროკავშირისა და საქართველოს ურთიერთობების შესახებ. რაც მთავარია, შენ შეგიძლია იყო არა მხოლოდ მსმენელი, არამედ ამ საუბრის მონაწილეც.

პავილიონი 11

ბავშვთა სივრცე და სახალისო აქტივობები

შემოგვიერთდით შემოქმედებით ვორკშოპებსა და ინტერაქტიულ თამაშებში — დაგხვდებათ სახალისო და მრავალფეროვანი აქტივობები ყველა ასაკისთვის. ევროპის დღე მთელი ოჯახის დღესასწაულია!

პავილიონი 3

შესაძლებლობების სივრცე

გაიკვლიე გზა ხელოვნური ინტელექტისა და დეზინფორმაციის სამყაროში. გაიგე, როგორ შეიტანო განაცხადი Erasmus+ პროგრამაზე და კონკურსში “ევროკავშირის პრიზი ჟურნალისტიკაში.” შემოგვიერთდი მე-3 პავილიონში პრაქტიკულ ვორკშოპებზე.

პავილიონი 11

მწვანე კუთხე

შემოგვიერთდით „მწვანე კუთხეში“ და შეისწავლეთ პრაქტიკული გზები, როგორ გამოიყენოთ, აღადგინოთ და განაახლოთ ყოველდღიური გამოყენების ნივთები. გაიგეთ, როგორ თანამშრომლობენ ევროკავშირი და საქართველო მწვანე მომავლისთვის ინტერაქტიული სივრცეებისა და პრაქტიკული ვორკშოპების საშუალებით, რაც გარემოსდაცვით იდეებს ახალგაზრდებისა და ოჯახებისთვის ხელშესახებ გამოცდილებად აქცევს!

გარე სივრცე

ცოცხალი მუსიკა

ისიამოვნეთ ცოცხალი შესრულებით — ევროპული ფოლკლორული მუსიკითა და პოპულარული ქართული ბენდებით, რომლებიც მთელი დღის განმავლობაში ღონისძიების თითოეულ კუთხეში მხიარულ და დაუვიწყარ ატმოსფეროს შექმნიან.

გარე სივრცე

აგრომარკეტი “უნიკალური ქართული გემო”

დააგემოვნეთ ფერმერების მიერ წარმოებული პროდუქცია საქართველოს რეგიონებიდან და გაიგეთ როგორ უჭერს მხარს ევროკავშირი მდგრად სოფლის მეურნეობასა და სოფლის განვითარებას.

გარე სივრცე

ხელნაკეთი ნივთების გამოფენა-გაყიდვა

შეხვდით ადგილობრივ ოსტატებს, აღმოაჩინეთ მათი გამორჩეული ნამუშევრები და გაიგეთ როგორ ეხმარება ევროკავშირი საქართველოს კულტურისა და ტრადიციების შენარჩუნებაში, ახალი ეკონომიკური შესაძლებლობების შექმნით.

გარე სივრცე

კვების სივრცე

დაისვენეთ კვების სივრცეში და დააგემოვნეთ ქართული და ევროპული სამზარეულო.

გარე სივრცის აქტივობები

ისიამოვნეთ საინტერესო სახალისო და გასართობი აქტივობებით ყველა ასაკისთვის.

ევროპის გუნდი

27 ქვეყანა, ერთი ევროპა

დაიწყეთ მოგზაურობა ევროპის გარშემო ექსპო ჯორჯიაში! 🇪🇺

9 მაისს, ექსპო ჯორჯია ევროკავშირის წევრ ქვეყნებს გააერთიანებს და წარმოგიდგენთ იდეებს, გამოგონებებს და ისტორიებს, რომლებმაც თანამედროვე სამყარო შეცვალა. თითოეული ქვეყანა გიამბობთ თავის უნიკალური აღმოჩენის შესახებ, რომელმაც შეცვალა ჩვენი ცხოვრება, აზროვნება და ურთიერთობები.

აღმოაჩინეთ ინტერაქტიული სტენდები, შთამბეჭდავი ინსტალაციები და ექსკლუზიური ვიდეოები თითოეული წევრი ქვეყნიდან — ყველაფერი, რაც წარმოგიდგენთ ევროპის შემოქმედებას, ინოვაციას და საერთო მემკვიდრეობას.