აღნიშნეთ ევროპის დღე ბათუმში და იხილეთ ევროკავშირსა და ქართველ ხალხს შორის პარტნიორობის შედეგები – პარტნიორობის, რომელსაც მოაქვს რეალური, ხანგრძლივი ცვლილებები ადამიანების ყოველდღიურ ცხოვრებაში.
შაბათს, 21 ივნისს, 13:00-17:00 საათამდე შემოგვიერთდით შერატონ ბათუმში ევროპის დღის ღონისძიებაზე, რომელიც ამ თანამშრომლობას აცოცხლებს. საინტერესო ისტორიებით, ინტელექტუალური თამაშებით და სხვა მრავალი ინფორმაციული და გასართობი აქტივობების საშუალებით, ნახეთ, თუ როგორ უწყობს ხელს ევროკავშირსა და ქართველ ხალხს შორის თანამშრომლობა საზოგადოების განვითარებას, შესაძლებლობების გაფართოებას და უფრო ნათელი მომავლის შექმნას.
თუ გაინტერესებთ საქართველოში ევროკავშირის საქმიანობა ან უბრალოდ გინდათ, რომ შაბათი დღე საინტერესოდ და მხიარულად გაატაროთ, ევროპის დღე ბათუმში შესანიშნავი ადგილია ერთმანეთთან შესახვედრად, ახალი, საინტერესო ინფორმაციისა და შთაგონების მისაღებად.
ოფიციალური გახსნა: 13:00
ევროპის გუნდი – შეხვდით ევროკავშირის წევრი სახელმწიფოების წარმომადგენლებს და აღმოაჩინეთ მათი კულტურა.
EU პროექტების სივრცე – ნახეთ როგორ უწყობენ ხელს ევროკავშირის მხარდაჭერა ცხოვრების გაუმჯობესებას მთელი საქართველოს მასშტაბით, განათლებიდან მდგრად განვითარებამდე, დასაქმებიდან თანასწორობამდე.
საგანმანათლებლო თამაში „წიგნების თარო“ – შეუერთდით ახალგაზრდებს ინტერაქტიურ თამაშში და აღმოაჩინეთ ევროკავშირის ისტორია და ლიტერატურა საინტერესო და სახალისო გზით.
აუდიოვიზუალური გამოფენა „ეს ქვეყანა შენია“ – მიიღეთ გამორჩეული გამოცდილება და გაიგეთ მეტი ქართული ტრადიციების, ევროპული ღირებულებებისა და სამოქალაქო საზოგადოების როლის შესახებ.
ევროპის დღის მარკეტი – დააგემოვნეთ ადგილობრივი პროდუქცია და დაათვალიერეთ უნიკალური ხელნაკეთი ნივთები, რომლებიც ევროკავშირის ბენეფიციარების მიერაა შექმნილი.
დოკუმენტური ფოტოგრაფია – თვალით დანახული ისტორია – დაესწარით გამორჩეული ქართველი ფოტოგრაფის, ნათელა გრიგალაშვილის მასტერკლასს – ვიზუალური ამბის თხრობა.
ტრადიციული ქარგვის ვორქშოპი – შეუერთდით აჭარული ტრადიციული ქარგვის ვორქშოპს ოსტატ მზევინარ ირემაძესთან ერთად.
გემების მოდელირების ვორქშოპი და გამოფენა “აფრა” – დაესწარით გემთმშენებლობის კრეატიულ ვორქშოპს, ააწყვეთ თქვენი გემის მოდელი და დაათვალიერეთ გამოფენა “აფრა”.
ვორქშოპი “შენ ქმნი მუსიკას” – თუ გაინტერესებთ როგორ იქმნება ელექტრონული მუსიკა, შეუერთდით საბა აზნარაშვილის ვორქშოპს “შენ ქმნი მუსიკას”.
18:00 საათზე, ევროპის დღე ბათუმის ჩოგბურთის კლუბში ცოცხალი მუსიკით დასრულდება, ყველასათვის საყვარელ ჯგუფებთან ერთად – Killages და Mechanical Rainbow.
21 ივნისს, სასტუმრო “რუმსი ბათუმი“ (ლობი) წარმოგიდგენთ ფოტო გამოფენას “10 წელი ფოკუსში”. ამ გამოფენაზე წარმოდგენილი იქნება საქართველოში “ევროკავშირის პრიზი ჟურნალისტიკაში” გამარჯვებული დოკუმენტური ფოტოები, რომლებიც ბოლო ათწლეულში საქართველოში მიმდინარე მოვლენებს გვიყვება.
