SAFIMI საქართველო მიზნად ისახავს საქართველოს მედეგობის გაძლიერებას მცდარი და მანიპულაციური ინფორმაციის (FIMI), დეზინფორმაციისა და კოორდინირებული არაავთენტური ქცევის (CIB) წინააღმდეგ, მედიის, სამოქალაქო საზოგადოების, მთავრობისა და საზოგადოების წარმომადგენლებს შორის თანამშრომლობისა და ცნობიერების ამაღლების გზით. პროექტი ფინანსდება ევროკავშირის NDICI პროგრამის ფარგლებში და მას ახორციელებენ მედიის განვითარების ფონდი (MDF), საერთაშორისო გამჭვირვალობა - საქართველო და Maldita.es.
პროექტს ოთხი ძირითადი მიზანი აქვს: დეზინფორმაციასთან დაკავშირებული გამოწვევების კვლევა და ანალიზი, თანამშრომლობის ქსელის გაძლიერება, დაინტერესებული მხარეების შესაძლებლობების გაუმჯობესება და საზოგადოების ჩართულობის გაძლიერება. პროექტის მთავარი აქტივობები მოიცავს კვლევითი ანგარიშების მომზადებას, ჩათბოტისა და დამხმარე ინსტრუმენტების შემუშავებას და SAFIMI საზოგადოების შექმნას, რომელიც მედიას, არასამთავრობო ორგანიზაციებსა და საჯარო უწყებებს გააერთიანებს. პროექტი ასევე მოიცავს რეგიონულ საჭიროებებზე მორგებული ტრენინგების ჩატარებას მედიაპროფესიონალებისთვის, სამოქალაქო საზოგადოებისა და ადგილობრივი მთავრობის წარმომადგენლებისთვის. პროექტის ერთ-ერთი მთავარი პრიორიტეტი ფაქტებზე დაფუძნებული შინაარსის მეშვეობით საზოგადოების ცნობიერების ამაღლებაა, როგორც ქართულ, ისე უმცირესობების ენებზე საჯარო ფორუმების, კამპანიებისა და სოციალური მედიის გამოყენების გზით. პროექტის ეფექტიანობა დეტალური ინდიკატორების გამოყენებით ფასდება, მათ შორის მხარეების ჩართულობის, მედიის გაშუქებისა და ტრენინგის შედეგების მიხედვით. თანამშრომლობის ხელშეწყობით და ფაქტებზე დაფუძნებული დიალოგის განვითარებით, SAFIMI მიზნად ისახავს შემცირდეს საზოგადოებაზე დეზინფორმაციის მავნე გავლენა და გაძლიერდეს საქართველოს საინფორმაციო გარემოს გრძელვადიანი მედეგობა.
საკვანძო სიტყვები: დეზინფორმაცია, FIMI, მედიაწიგნიერება, სამოქალაქო საზოგადოების თანამშრომლობა, ციფრული მდგრადობა

სპეციფიკური მიზნები: პროექტი მიზნად ისახავს საქართველოს საზოგადოებრივი მდგრადობის გაძლიერებას დეზინფორმაციის, FIMI-სა და კოორდინირებული არაავთენტური ქცევის (CIB) წინააღმდეგ საბრძოლველად, კვლევების, მიზნობრივი ტრენინგებისა და მტკიცებულებაზე დაფუძნებული მედია კონტენტის საშუალებით. SAFIMI უზრუნველყოფს სამოქალაქო საზოგადოების, მედიის, სამთავრობო პირებისა და ფართო საზოგადოების ჩართულობას, რათა გააძლიეროს ქვეყნის უნარი ამოიცნოს და უპასუხოს დეზინფორმაციასთან დაკავშირებულ საფრთხეებს.
მიზნები:
დეზინფორმაციის გამოწვევების კვლევის გაძლიერება და რესურსების შექმნა.
მრავალსექტორული თანამშრომლობის და ქსელის განვითარების ხელშეწყობა.
მედიის, სამოქალაქო საზოგადოების, აქტივისტებისა და საჯარო უწყებების შესაძლებლობების გაძლიერება.
საზოგადოების ინფორმირებულობის ამაღლება და მტკიცებულებაზე დაფუძნებული დიალოგის წახალისება.

მოსალოდნელი შედეგები:
OUTPUT 1.1: FIMI-ის საწყისი კვლევა – FIMI, დეზინფორმაციისა და CIB გამოწვევების კვლევა საქართველოში, პუბლიკაცია და პრეზენტაცია.
OUTPUT 1.2: პერიოდული FIMI ანგარიშები – ექვსი პერიოდული ანგარიშის მომზადება და გავრცელება მედიასა და სამოქალაქო სექტორში.
OUTPUT 1.3: FIMI ინსტრუმენტების შექმნა – მედიაზე, არასამთავრობო ორგანიზაციებსა და სამთავრობო სექტორზე მორგებული სახელმძღვანელოების განვითარება.
OUTPUT 2.1: მრავალმხრივი საზოგადოება/საერთაშორისო ღონისძიება – 50 წევრიანი მრავალმხრივი საზოგადოების ჩამოყალიბება თბილისში.
OUTPUT 2.2: SAFIMI ვირტუალური სიმპოზიუმები და პირისპირ შეხვედრები – საერთაშორისო ექსპერტების მონაწილეობით ვირტუალური და ფიზიკური ღონისძიებების სერია.
OUTPUT 3.1-3.3: მედიისა და სამოქალაქო საზოგადოების ტრენინგები – პრაქტიკული სწავლება 20 მონაწილისთვის თითოეულ სესიაზე.
OUTPUT 4.1: კონტენტის წარმოება უმცირესობათა ენებზე – 350 სტატია რუსულად, 200 სომხურად და 200 აზერბაიჯანულად.
OUTPUT 4.2-4.4: მედია თანამშრომლობა, საჯარო ფორუმები და მედიაწიგნიერების ტრენინგები – მედია აქტორების გაძლიერება და ფართო საზოგადოების ინფორმირება.