2015 წლიდან, კონკურსის „ევროკავშირის პრიზი ჟურნალისტიკაში“ საერთო ფასეულობების ამსახველი დოკუმენტური ფოტოს კატეგორია საქართველოს ტრანსფორმაციის პროცესს ფოტოების საშუალებით ინახავს – ხაზს უსვამს რა ადამიანის უფლებებს, დემოკრატიას, თანასწორობასა და კანონის უზენაესობას.
ფოტო გამოფენა შვიდი გამარჯვებული ფოტოგრაფის ნამუშევრებს წარმოადგენს, რომელთა შთამბეჭდავი ფოტოებიც ერის ისტორიას გვიყვება და ევროკავშირთან ჩვენი საერთო ღირებულებების შესახებ გვიამბობს.
ევროკავშირმა საქართველოში დაიწყო ინტერაქციული საგანმანათლებლო ინიციატივა „წიგნების თარო ევროპის შესახებ“, რომელიც შექმნილია ახალგაზრდებისთვის ევროპული კულტურის, ისტორიისა და ღირებულებების უკეთესად გაცნობის მიზნით. ინიციატივა იმოგზაურებს საქართველოს სხვადასხვა რეგიონში და ახალგაზრდებს ინოვაციური და დინამიკური სწავლის გამოცდილებას გაუზიარებს. „წიგნების თარო“ ასევე წარმოდგენილი იქნება თბილისში ევროპის დღეზე.
აუდიო-ვიზუალური პროგრამა ხაზს უსვამს სამოქალაქო საზოგადოების როლს როგორც თანამედროვე ეპოქაში, ისე მე-19 საუკუნეში. ის სამოქალაქო საზოგადოებას წარმოაჩენს, როგორც სახელმწიფოს ხერხემალს და ხაზს უსვამს მოქალაქეებს შორის პასუხისმგებლობების გადანაწილების მნიშვნელობას.
ამბის თხრობის შთამბეჭდავი, ინტერაქციული ტექნიკის გამოყენებით, აუდიო-ვიზუალური პროგრამა კამპანიის „ეს ქვეყანა შენია“ სამ ძირითად გზავნილს გადმოსცემს:
- ევროპული ღირებულებები საქართველოს ტრადიციისა და კულტურის განუყოფელი ნაწილია
- სამოქალაქო საზოგადოებას უმნიშვნელოვანესი როლი აქვს საქართველოს განვითარების პროცესში
- ქვეყანა თითოეულ მოქალაქეს ეკუთვნის და მასზე ზრუნვა ყველა ჩვენგანის საერთო პასუხისმგებლობაა
- 13:00 – 14:00 „მე და ევროპა“
მოკლემეტრაჟიანი ფილმები პერსონალური გამოცდილებისა და საერთო ღირებულებების საშუალებით გადმოსცემენ, თუ რას ნიშნავს ევროპა საქართველოსთვის - 14:00 – 14:30 ფილმის “UNDERSEEN” ჩვენება
დოკუმენტური ფილმი ინკლუზიურობასა და გამძლეობაზე უკრაინაში - 15:00 – 15:30 ელენე დარიანი
სტუდია „ფანტასმაგორიას“პოეტური stop-motion ანიმაცია - 15:30 – 15:45 “LitKid“ ვიდეოები
მოკლე ვიდეოების სერია, სადაც მწერლები საბავშვო ლიტერატურის ციფრულ გზამკვლევს LitKid-ს წარადგენენ - 16:00 – 16:45 „მე და ევროპა“
მოკლემეტრაჟიანი ფილმები პერსონალური გამოცდილებისა და საერთო ღირებულებების საშუალებით გადმოსცემენ თუ რას ნიშნავს ევროპა საქართველოსთვის - 17:00 – 17:30 “ალტერნატიული ქუთაისი”
დოკუმენტური ფილმი ახალგაზრდული მოძრაობის შესახებ, რომელიც საბჭოთა პერიოდის ტრადიციებს დაუპირისპირდა და თავისუფლებისა და თვითგამოხატვის უფლებისთვის იბრძოდა პოსტსაბჭოთა საქართველოს ქაოსის ფონზე - 17:30 – 17:45 UNICEF-ს ისტორიები
ვიდეოები შეიცავს ინფორმაციას ქვეყანაში არსებული ბავშვთა დაცვის მექანიზმების, სოციალური მუშაკების როლის, მინდობით აღზრდის სისტემის, დიდი ბავშვთა სახლების დეინსტიტუციონალიზაციის შესახებ.