ეკატერინე არის “ამერიკის ხმის” ქართული რედაქციის ჟურნალისტი 10 წლიანი გამოცდილებით, დაფუძნებული ვაშინგტონში. ის უძღვება ყოველკვირეულ გადაცემას, ასევე მუშაობს ციფრულ პლატფორმებზე, აშუქებს აშშ-ს საგარეო პოლიტიკას, აშშ-საქართველოს ურთიერთობებს, დიასპორის საკითხებს და ა.შ. ამერიკის ხმაზე  მუშაობამდე მუშაობდა დამოუკიდებელ მედიასაშუალება ,,ლიბერალში“ და აშუქებდა სხვადასხვა სოციალურ და პოლიტიკურ საკითხებს- მათ შორისაა გარემო, ენერგეტიკა, კულტურული მემკვიდრეობა და ა.შ. ეკა ასევე არის GIPA – ს, ჟურნალისტიკის და მედია მენეჯმენტის კავკასიის სკოლის კურსდამთავრებული, მუშაობდა რადიო GIPA-ს წამყვანად და პროდიუსერად.

მარგარიტა 1988 წლიდან აშუქებს საქართველოსა და სამხრეთ კავკასიის რეგიონში პოლიტიკური და ეკონომიკური ცხოვრების ყველა ასპექტს.  მას აქვს საქართველოში, აზერბაიჯანში, სომხეთსა და სხვა ყოფილ საბჭოთა კავშირის ქვეყნებში მუშაობის დიდი გამოცდილება, კონფლიქტების, მთავარი პოლიტიკური მოვლენების, ასევე კონფერენციებისა და  სამიტების გაშუქების ჩათვლით. მარგარიტა იყო Reuters-ის გუნდის ერთ-ერთი ლიდერი, რომელიც 2008 წელს, აგვისტოს ომის გაშუქებისთვის დააჯილდოვეს.

გიორგი არის კორესპონდენტი ნიუ-იორკში დაფუძნებული გამოცემისა, EurasiaNet, რომელიც სპეციალიზირებულია ყოფილი საბჭოთა კავშირის ქვეყნების გაშუქებაზე. მას აქვს ახალი ამბების გაშუქების 15 წლიანი გამოცდილება სამხრეთ კავკასიიდან და არა მარტო. მისი ნამუშევრები გამოქვეყნებულია ისეთ დიდ საერთაშორისო გამოცემებში, როგორიცაა- Wall Street Journal, NPR და Guardian.

საქართველოში პირველი საერთაშორისო, ყოველწლიური ,,თბილისის ფოტოფესტივალის“ სამხატვრო ხელმძღვანელი და თანადამფუძნებელი (2010 წლიდან) .  ასევე, 2019 წლიდან სამხატვრო ხელმძღვანელი და თანადამფუძნებელი ,,თბილისის ფოტოგრაფიისა და მულტიმედიის მუზეუმის“ , რომელიც მთლიანად ეძღვნება თანამედროვე ფოტოგრაფიას (ალბათ?).  ორივე ეს პლატფორმა იყენებს ფოტოგრაფიას, როგორც მედიუმს სოციალური და კულტურული ცვლილებებისთვის საქართველოში და სამხრეთ კავკასიის რეგიონში. ნიჟარაძის კურატორობით საერთაშორისო ფოტოგრაფების მრავალი გამოფენა ჩატარებულა საქართველოში და მის ფარგლებს გარეთ, რაც ხელს უწყობს ვიზუალური არტისტების ხელშეწყობასა და გაძლიერებას როგორც რეგიონის მასშტაბით, ისე ქართული ფოტოგრაფიის მდიდარი ტრადიციების პოპულარიზებას.