fbpx
Skip to main content
ევროკავშირი საქართველოსთვის

სამ ათწლეულზე მეტი ხნია, რაც ევროკავშირი ხელს უწყობს საქართველოსთან უნიკალურ და მჭიდრო პარტნიორობას, მხარს უჭერს ქვეყნის უწყვეტ განვითარებას ცოდნისა და გამოცდილების გაზიარებით, ექსპერტიზით, ინოვაციებითა და ფინანსური მხარდაჭერით. ევროკავშირსა და საქართველოს შორის ურთიერთობა დაფუძნებულია მშვიდობის, თავისუფლების, დემოკრატიის, ადამიანის უფლებებისა და ინკლუზიური ეკონომიკური ზრდის საერთო ღირებულებებზე.

დღეს ევროკავშირი წარმოადგენს საქართველოს უმსხვილეს სავაჭრო პარტნიორ, რომელიც ქართული მემკვიდრეობის, ტრადიციებისა და კულტურის პატივისცემისა და პოპულარიზაციის პარალელურად მაღალი სტანდარტებისა და ხარისხის დანერგვაზეორიენტირებული. ევროკავშირი იყო ქვეყნის საჯარო სექტორის ფუნქციონირების უწყვეტად და სისტემურად გაუმჯობესების კატალიზატორი, როგორც საქართველოს საჯარო ადმინისტრირების რეფორმის დღის წესრიგის ერთ-ერთი უდიდესი მხარდამჭერი საუკეთესო ევროპული პრინციპებისა და გამოცდილების გათვალისწინებით. ევროკავშირმა შეუქმნა უამრავი შესაძლებლობა ქვეყნის ახალგაზრდა მოსახლეობას, იცხოვროს და სწავლოს ევროპაში, რაც საშუალებას აძლევს ჩვენს ახალგაზრდებს, სწავლის შემდეგ დაბრუნდნენ და გამოიყენონ მიღებული ცოდნა უფრო ძლიერი და წარმატებული საქართველოს ასაშენებლად.

წაიკითხეთ სრულად

ევროკავშირი და საქართველო თანამშრომლობენ სუფთა გარემოსა და მდგრადი ცხოვრების წესის დანერგვისთვის. ქართველებსა და ევროკავშირის მოქალაქეებს შორის ძლიერი თანამშრომლობა ხელს უწყობს ადამიანების ციფრულ და ფიზიკურ გარემოში დაკავშირებას, უნარების გაუმჯობესებას და ცხოვრების გამრავალფეროვნებას. უვიზო მიმოსვლის რეჟიმის შესახებ შეთანხმების ფარგლებში ევროკავშირის ქვეყნებში თავისუფლად გამგზავრების შესაძლებლობამ სარგებელი მოუტანა საქართველოს მილიონზე მეტ მოქალაქეს. ევროკავშირი საქართველოს უმსხვილესი დონორია და ყოველწლიურად გამოყოფს დაახლოებით 100 მილიონი ევროს საგრანტო ფონდს საქართველოს ამბიციური რეფორმების დღის წესრიგის მხარდასაჭერად.

ჩვენ ვთანამშრომლობთ ძლიერი, დამოუკიდებელი, დემოკრატიული, მდგრადი და წარმატებული საქართველოსთვის, ვაშენებთ ევროპულ მომავალს ქვეყნის ხალხისა და მომავალი თაობებისთვის.