პროექტი ევროკავშირის „სამოქალაქო საზოგადოების განვითარების ხელშეწყობა საქართველოში“ პროგრამის ნაწილია. ადამიანის უფლებებზე დაფუძნებული მიდგომის გამოყენებით, პროექტი ხელს უწყობს ეროვნული და ადგილობრივი სამოქალაქო საზოგადოების ორგანიზაციების გაძლიერებისა და გააქტიურების პროცესს, კლიმატის სამოქმედო რეგიონული ჯგუფებისა და კლიმატის ეროვნული პლატფორმის შექმნისა და სახელმწიფო და საზოგადოებრივ ორგანიზაციებს შორის ნდობისა და თანამშრომლობის ჩამოყალიბების გზით.

პროექტი გურიის, იმერეთის, რაჭა-ლეჩხუმი-ქვემო სვანეთის და კახეთის რეგიონებში მუშაობს და ადგილობრივ სამოქალაქო ორგანიზაციებს კლიმატის ცვლილების წინააღმდეგ ბრძოლასა და პოლიტიკის თანამონაწილეობრივი დაგეგმვის პროცესში ეფექტიანი ჩართულობის ხელშეწყობის კუთხით გაძლიერებაში ეხმარება. კლიმატის სამოქმედო რეგიონული ჯგუფები და კლიმატის ეროვნული პლატფორმა ხელს უწყობენ სამოქალაქო საზოგადოების კონსტრუქციულ ჩართულობას კლიმატის ცვლილების პოლიტიკის შემუშავებასა და განხორციელებაში. პროექტი მუშაობს ადგილობრივ და ეროვნულ სამოქალაქო საზოგადოების ორგანიზაციებთან, საგანმანათლებლო დაწესებულებებთან, ასევე, ცენტრალურ და ადგილობრივ მთავრობებთან და სხვადასხვა სათემო და ახალგაზრდულ ჯგუფებთან.

კონკრეტული მიზანი - კლიმატის ცვლილების წინააღმდეგ ბრძოლაში სამოქალაქო საზოგადოების ორგანიზაციების როლის გაძლიერება დაინტერესებული მხარეების ჩართულობით რეგიონული სამოქმედო ჯგუფებისა და ეროვნული პლატფორმის შექმნისა და პოლიტიკის თანამონაწილეობრივი გზით შემუშავების, კლიმატის ცვლილების მიმართ მედეგობისა და წყლის უსაფრთხოების გაზრდის მიზნით სახელმწიფო და საზოგადოებრივ ორგანიზაციებს შორის ნდობისა და თანამშრომლობის ჩამოყალიბების გზით.

1. კლიმატის ცვლილების სფეროში მონაწილეობის გაუმჯობესებული მექანიზმები;
2. მტკიცებულებებზე დაფუძნებული და თანამონაწილეობრივი გადაწყვეტილებების მიღების პროცესის ხელშეწყობა კლიმატზე ორიენტირებული გადაწყვეტილებების მიღებისას;
3. კლიმატის ცვლილების შერბილებისა და ადაპტაციის გაძლიერებული ზომები და ადამიანის ჯანმრთელობისა და გარემოს უკეთ დაცვა კლიმატის ცვლილებასთან ადაპტაციასა და/ან მისი შედეგების შერბილებაზე ორიენტირებული ინოვაციური პროექტების განსახორციელებლად მესამე მხარეებისთვის ფინანსური დახმარებისა (ქვე-გრანტები) და შესაძლებლობების გაძლიერების უზრუნველყოფის შედეგად;
4. კლიმატის ცვლილებისა და მისი უარყოფითი ზემოქმედებების წინააღმდეგ ბრძოლაში სამოქალაქო საზოგადოების როლის შესახებ საზოგადოების ინფორმირებულობის დონის გაზრდა