ევროკავშირი და გაეროს განვითარების პროგრამა ხელს უწყობენ საქართველოს პარლამენტს ინსტიტუციური რეფორმების განხორციელებაში, საკანონმდებლო გამჭვირვალობის განვითარებაში, მოქალაქეთა ინტერესების ეფექტურად წარმოჩენაში, კანონშემოქმედებითი პროცესების გამარტივებასა და სამთავრობო ზედამხედველობის გაძლიერებაში.

მიმდინარე პროექტი აგრეთვე მოიცავს აჭარის ავტონომიური რესპუბლიკის უმაღლეს საბჭოს მხარდაჭერას და მიზნად ისახავს საჭიროებაზე მორგებული ინიციატივების განხორციელებასა და თანამშრომლობას რესურსების ოპტიმიზაციის კუთხით.

პროექტის საქმიანობა ხორციელდება შემდეგი ოთხი მიმართულებით: კანონშემოქმედება და ზედამხედველობა; ინსტიტუციური მექანიზმების ეფექტიანობა; სამოქალაქო საზოგადოებისა და მოქალაქეების ჩართულობა;პოლიტიკური პროცესები. მისი მიზანია კონკრეტული სტრატეგიულად მნიშვნელოვანი რეფორმების მხარდაჭერა მდგრადი ინსტიტუციური განვითარების გზით.

გაძლიერებული კანონშემოქმედებითი და საზედამხედველო ფუნქციები.
გამარტივებული პოლიტიკური პროცესები და გაუმჯობესებული წარმომადგენლობა.
გაზრდილი ანგარიშვალდებულება, სამოქალაქო ორგანიზაციების თანამშრომლობა და მოქალაქეთა ჩართულობა.
გაძლიერებული ინსტიტუციური ეფექტურობა.