პროექტი მიზნად ისახავს საქართველოს ფსიქიკური ჯანმრთელობის (ფჯ) სისტემის გაუმჯობესებას მისი საჭიროებებისა და გამოწვევების გათვალისწინებით. პროექტი ფოკუსირებულია ისეთი მნიშვნელოვანი რეგულაციური ჩარჩოს შექმნაზე, როგორიცაა ფჯ კანონის და პოლიტიკის დოკუმენტები, და, ასევე, ხელს უწყობს უფლებებზე-დაფუძნებული ფჯ დაცვის სისტემის დანერგვას ყველა დონეზე - პრევენცია, მკურნალობა-მართვა და აღდგენა.
საქართველოს 2022-2030 წლების ფსიქიკური ჯანმრთელობის სტრატეგიის კუთხიდან, პროექტი ხელს შეუწყობს
- ბავშვთა და მოზარდთა ფსიქიკურ ჯანმრთელობას (სტრატეგიის 1 ამოცანა) ტრანსდიაგნოტური (ტდ) ინტერვენციების გაზრდით პრევენციასა და ადრეული ჩარევაში, და ამ ჯგუფთან მომუშავე ფსიქიკური ჯანმრთელობის სპეციალისტების შესაძლებლობების/კომპეტენციების გაძლიერებით;
- ფსიქიკური ჯანმრთელობის სერვისების მომხმარებელთა უფლებების დაცვა და სტიგმის შემცირება (ამოცანა 2) - სერვისის მომხმარებელთა მოძრაობის გაძლიერებით და სხვადასხვა ანტისტიგმა აქტივობის განხორციელებით;
- სათემო სერვისების ხარისხის გაზრდით (თემზე დაფუძნებული ზრუნვა) (ამოცანა 3) სხვადასხვა ინოვაციური, განახლებული სერვისის განვითარებით, როგორცაა კრიზისული ჩარევა; ადიქციის ინტეგრირება ფსიქიკურ ჯანმრთელობაში სამოქმედო გეგმის და შესაბამისი შესაძლებლობების შემუშავებით(ამოცანა 4);
- ფჯ სისტემაში ადამიანური რესურსების განვითარება (ამოცანა 5) შესაბამისი სასწავლო პაკეტების შექმნით და ფჯ. პერსონალის ჩართვით ონლაინ და პირისპირ ტრენინგებში, სამუშაო შეხვედრებში და კონფერენციებში;
- ფჯ. სისტემის რეგულირების, მართვის, კონტროლის და ფინანსური რესურსების გაუმჯობესება (ამოცანა 6) დაწესებულებებში განახლებული ფსიქიკური ჯანმრთელობის კანონისა და პოლიტიკის და ასევე ადამიანის უფლებათა პრაქტიკის მონიტორინგის მეთოდოლოგიის გაცნობით.

პროექტის საერთო მიზანია საქართველოში ფსიქიკური ჯანმრთელობის სისტემის სისტემატური და თანმიმდევრული გაძლიერება უფლებებზე და მტკიცებულებებზე დაფუძნებული პოლიტიკითა და პრაქტიკით.

ამ მთავარი მიზნის მისაღწევად, პროექტის კონკრეტული სამი ამოცანაა:
1. ფსიქიკური ჯანმრთელობის სფეროში (ფჯ) მტკიცებულებებზე დაფუძნებული პოლიტიკის გაძლიერება, კერძოდ, ფსიქიკური ჯანმრთელობის კანონმდებლობისა და პოლიტიკის შესაბამისობის უზრუნველყოფა ადამიანის უფლებათა სტანდარტებთან, რაც გამოიწვევს დაინტერესებული მხარეების კმაყოფილებას;
2. მომსახურეობის გაუმჯობესება პრევენცია-მკურნალობა/მართვა-აღდგენის ჯაჭვში, კერძოდ, ფჯ სერვისებით კმაყოფილების გაზრდა მომსახურების მიმღების, პრაქტიკოსებისა და ოჯახებისგან მიღებული
ინფორმაციის საფუძველზე. ასევე მოქმედი, განახლებული სერვისების რაოდენობის გაზრდა, რომლებიც აკმაყოფილებენ საერთაშორისო ფჯ-ის და ადამიანის უფლებების სტანდარტებს.
3. თანაბარ, ხელმისაწვდომ და უფლებებზე დაფუძნებულ ზრუნვაზე ხელმისაწვდომობის გაუმჯობესება - იმ მოწყვლადი პირების რაოდენობის ზრდა , რომლებიც პირველად მიიღებენ ფსიქიკური ჯანმრთელობის სერვისს და ასევე გამოიყენებენ ფჯ ციფრულ დამხმარე საშუალებებს.

მოსალოდნელი შედეგები:
1. მტკიცებულებებზე დაფუძნებული პოლიტიკის შემუშავება ფსიქიკურ ჯანმრთელობაში გაძლიერებულია
2. ფსიქიკური ჯანმრთელობის პრევენცია-მკურნალობა/მართვა-აღდგენის ჯაჭვში მომსახურების მიწოდება გაუმჯობესებულია
3. ხელმისაწვდომობა თანაბარ, ხელმისაწვდომ და უფლებებზე დაფუძნებულ ზრუნვაზე გაუმჯობესებულია.