პროექტი ემყარებოდა ადრე განხორციელებულ EMBLAS და EMBLAS-II პროექტებს შავი ზღვის ეკოლოგიის დაცვის გასაუმჯობესებლად შემდგომი ტექნიკური დახმარების საშუალებით; ტექნიკური დახმარება ფოკუსირებული იყო საზღვაო მონაცემთა შეკრებაზე და ადგილობრივ მცირემასშტაბიან ქმედებებზე საზღვაო ნარჩენებით დაბინძურების შემცირების, და საზოგადოებრივი ცნობიერების და ინფორმირებულობის გაუმჯობესების საშუალებით. პროექტი თანამშრომლობდა ძირითად პარტნიორებთან კვლევითი/სამეცნიერო და საგანმანათლებლო დაწესებულებებიდან, და სამოქალაქო საზოგადოებრივ ორგანიზაციებთან.

პროექტის ზოგადი ამოცანა იყო შავი ზღვის გარემოს დაცვის გაუმჯობესება.

პროექტის კონკრეტული მიზნები:

- საზღვაო ეკოლოგიის მონაცემთა ხელმისაწვდომობის და გაზიარების გაუმჯობესება ეროვნული და ერთობლივი რეგიონული მონიტორინგის პროგრამებიდან საზღვაო სტრატეგიის ჩარჩო-დირექტივის (MSFD) და წყლის ჩარჩო-დირექტივის (WFD) პრინციპების, და შავი ზღვის ინტეგრირებული მონიტორინგის და შეფასების პროგრამის (BSIMAP) შესაბამისად.
- ერთობლივი ქმედებების მხარდაჭერა სამდინარო და საზღვაო ნარჩენების შესამცირებლად შავი ზღვის აუზში.
- ცნობიერების ამაღლება ძირითადი ეკოლოგიური საკითხების შესახებ და შავი ზღვის დაცვაში საზოგადოების ჩართულობის გაუმჯობესება.

- ეროვნული და ერთობლივი რეგიონული მონიტორინგის პროგრამების განხორციელება.
- ერთობლივი მონიტორინგის გაუმჯობესება და საზღვაო ნარჩენების შემცირება.
- საზოგადოებრივი ცნობიერების ამაღლების და საგანმანათლებლო კამპანიების განხორციელება გარემოს დაცვის სფეროში.