ბოლო წლებში საქართველოში მნიშვნელოვნად გაიზარდა პარლამენტის როლი, განსაკუთრებით აღმასრულებელი ხელისუფლების მიმართ, რომელიც უფრო მეტად ანგარიშვალდებული გახდა საკანონმდებლო შტოს წინაშე. ახალი პოტენციალის სარეალიზაციოდ საჭიროა პარლამენტმა არსებითად გააძლიეროს მისი ინსტიტუციური ფუნქციონირება და შესაძლებლობები, რათა ეფექტურად მოახდინოს ახალი მექანიზმების პრაქტიკაში ამოქმედება.
UNDP-ის მიერ ევროკავშირის დაფინანსებით განხორციელებული წინამორბედი საპარლამენტო პროექტის კვალდაკვალ, ახალი ინიციატივა ფოკუსირებულია ქვეყანაში საპარლამენტო დემოკრატიის სისტემის კონსოლიდაციაზე, ევროკავშირისა და UNDP-ის პროექტის დახმარებით შემუშავებული ინსტიტუციური განვითარების სტრატეგიის შესაბამისად. ახალი პროექტი მხარს უჭერს პარლამენტში სტრატეგიულად მნიშვნელოვან რეფორმებს, რომლებიც მდგრად ინსტიტუციურ განვითარებაზეა ორიენტირებული. შედარებით მცირე კომპონენტი მიზნად ისახავს აჭარის ავტონომიური რესპუბლიკის უმაღლესი საბჭოს მხარდაჭერას სტრატეგიული განვითარების მიმართულებით. აღნიშნული კომპონენტის ფარგლებში პროექტი გამოიყენებს საქართველოს პარლამენტისთვის გაწეული მხარდაჭერის მექანიზმებს და პრაქტიკებს, რომელთა გაზიარება ორ ინსტიტუციას შორის მოხდება.

1. პარლამენტში მტკიცებულებაზე დაფუძნებული პოლიტიკისა და საკანონმდებლო პროცესები გაძლიერებულია
2. საპარლამენტო ზედამხედველობის შესაძლებლობები გაზრდილია
3. საჯარო ჩართულობა საპარლამენტო პროცესებში გაძლიერებულია წარმომადგენლობითი დემოკრატიისა და ღია მმართველობის პრინციპების ხელშეწყობის მეშვეობით
4. ინსტიტუციური ეფექტიანობა გაუმჯობესებულია სტრატეგიული დაგეგმვისა და შესაძლებლობების განვითარების ინიციატივების მეშვეობით
5. აჭარის უმაღლეს საბჭოში გაუმჯობესებულია ინსტიტუციური ჩარჩო და სტრატეგიული დაგეგმვა

- გაუმჯობესებული საპარლამენტო საქმიანობა ახალი კონსტიტუციური და საკანონმდებლო ჩარჩოს კონტექსტში
- მთავრობის გაუმჯობესებული ანგარიშვალდებულება და მოქალაქეების გაუმჯობესებული წვდომა პარლამენტის საქმიანობაზე
- აჭარის უმაღლესი საბჭოს გაუმჯობესებული ინსტიტუციური საქმიანობა და ღია მმართველობის პრინციპების გატარება.