ამ პროექტის ზოგადი მიზანია უკეთ დაკავშირებული და უფრო მდგრადი სამოქალაქო საზოგადოების შექმნა აღმოსავლეთ პარტნიორობის რეგიონში — ისეთის, რომელიც მზადაა და შეუძლია მონაწილეობა მიიღოს დემოკრატიზაციის, რეფორმების და აღდგენის პროცესებში საკუთარ ქვეყნებში, და ამგვარად ხელი შეუწყოს უფრო ინკლუზიური, მდგრადი და დემოკრატიული საზოგადოებების ჩამოყალიბებას.
ცენტრის მიერ მხარდაჭერილი, გამოცდილი მეთოდოლოგიის დანერგვით, კერძოდ - მოქნილი საგრანტო სისტემით, პოტენციალის გაზრდით სამოქალაქო საზოგადოების ხელმძღვანელობით, და ინტეგრირებული საერთო-რეგიონული მიდგომით - ეს პროექტი მესამე მხარეებისთვის გაწეულ მნიშვნელოვან ფინანსურ მხარდაჭერას (FSTP) გააერთიანებს პოტენციალის შექმნის კომპლექსურ, ინოვაციურ და მიზანმიმართულ ღონისძიებებთან, რათა დაეხმაროს სამოქალაქო საზოგადოების ორგანიზაციებს გახდნენ ცვლილებების მამოძრავებელი ძალა, ადვოკატირება გაუწიონ საკუთარ ბენეფიციარებს მოსახლეობაში, დაამყარონ კავშირები აღმოსავლეთ პარტნიორობის რეგიონში და მის ფარგლებს გარეთ, დამკვიდრდნენ საკუთარ თემებში და გაიუმჯობესონ ფინანსური მდგრადობა.

უფრო სიცოცხლისუნარიანი და უკეთ დაკავშირებული სამოქალაქო საზოგადოების შექმნა აღმოსავლეთ პარტნიორობის ყველა ქვეყანაში და რუსეთში.

- სამოქალაქო საზოგადოების შესაძლებლობების გაზრდა საკუთარი როლის გასაძლიერებლად დემოკრატიზაციის, რეფორმების და აღდგენის პროცესებში. სამოქალაქო საზოგადოების ორგანიზაციების მდგრადობის გაუმჯობესება შიდა და გარე რყევების და ზეწოლის მიმართ,
- სამოქალაქო საზოგადოების ორგანიზაციების უფრო აქტიური ურთიერთქმედება ერთმანეთთან ეროვნულ და რეგიონთაშორის დონეზე, და სივრცის არსებობა გამოცდილების, პროცესებისა და იდეების გასაზიარებლად,
- სამოქალაქო საზოგადოების უნარის გაუმჯობესება, რათა ის უკეთ ჩაერთოს პროცესებში და დაამყაროს კომუნიკაცია საკუთარ წრეებს გარეთ; ეს განხორციელდება არსებულ და ახალ აუდიტორიასთან ურთიერთობების გაუმჯობესებით და ოფიციალურ პოლიტიკურ პროცესებში მონაწილეობით.

უკეთ დაკავშირებული და უფრო მდგრადი სამოქალაქო საზოგადოება, რომელიც მზადაა და შეუძლია მონაწილეობა მიიღოს დემოკრატიზაციის, რეფორმების და აღდგენის პროცესებში, რასაც შედეგად მოჰყვება უფრო ინკლუზიური, მდგრადი და დემოკრატიული საზოგადოებების ჩამოყალიბება აღმოსავლეთ პარტნიორობის რეგიონში.