მსოფლიო ტვირთების 80% ტრანსპორტირდება ზღვით. 2019 წლის მონაცემთა მიხედვით კი, გასულ წელს ქვეყანაში კონტეინერებით გადაზიდული საქონლის მაჩვენებლის რეკორდული ზრდა გამოიკვეთა (43%-ი). სწორედ საქართველოს საზღვაო სექტორის დამსახურებით ხდება საკვებით, მედიკამენტებით და სხვა აუცილებელი ნივთებით მომარაგება უწყვეტ რეჟიმში, პანდემიის დროსაც კი. 

საზღვაო სექტორში ბევრი რეფორმა განხორციელდა, და ამის შედეგად, 2015 წელთან შედარებით ჩვენი მეზღვაურების 40%-ით მეტია დასაქმებული ევროკავშირის წევრი ქვეყნების დროშის ქვეშ მცურავ გემებზე, ხოლო მათი ყოველწლიური შენატანი ქვეყნის ბიუჯეტში, სულ მცირე ნახევარ მილიარდ ლარს შეადგენს.

პირველად ისტორიაში, 2021 წელს ქვეყანას ევროკავშირის დაფინანსებით ექნება საზღვაო ტრანსპორტის სტრატეგია. ეს საშუალებას მოგვცემს მოკლე, საშუალოვადიან და გრძელვადიან პერსპექტივაში საქართველოს ჰქონდეს სტრატეგია, რომელიც მისცემს შესაძლებლობას, რომ ჩამოყალიბდეს წამყვან საზღვაო ქვეყნად.

შავი ზღვის სანაპირო ზოლის ეკოლოგიურ პირობების გასაუმჯობესებლად, ევროკავშირის პროექტის ფარგლებში ქართველ ექსპერტებს გადმოეცა თანამედროვე ლაბორატორიული აღჭურვილობა და ჩაუტარდათ ტრენინგი, რაც მათ ზღვის სანაპირო ზოლის ეკოლოგიური მდგომარეობისა და წყლის ხარისხის მუდმივი მონიტორინგის საშუალებას მისცემს.