საქართველოში მცხოვრებ ახალგაზრდებს ევროკავშირი ხარისხიანი განათლების მიღებასა და პიროვნულ და პროფესიულ ზრდაში უწყობს ხელს. ევროკავშირი, მისი ერთ-ერთი ყველაზე წარმატებული პროგრამის, Erasmus+-ის მეშვეობით, საქართველოს სტუდენტებსა და მასწავლებლებს ევროპის უნივერსიტეტებთან მყარი კავშირების დამყარებაში ეხმარება. 2014 წლიდან დღემდე Erasmus+-ის გაცვლით პროგრამაში 11,000-ზე მეტმა სტუდენტმა და აკადემიური პერსონალის წარმომადგენელმა მიიღო მონაწილეობა. ამ მაჩვენებლით საქართველო იმ ქვეყნების პირველ ათეულში მოხვდა, რომლებმაც ბოლო ათი წლის განმავლობაში Erasmus+-ის პროგრამით ყველაზე მეტად ისარგებლეს.

საქართველოში, თბილისში ფუნქციონირებს „ევროპული სკოლა“ – საშუალო სკოლა, რომელიც აღმოსავლეთ პარტნიორობის ექვსივე ქვეყნის მოსწავლეებს მაღალი ხარისხის განათლებას სთავაზობს, ზრდის მათი დასაქმების შესაძლებლობებს და ხელს უწყობს ევროკავშირისა და რეგიონში მისი საქმიანობის უკეთ გაგებას ევროპული მიმართულების საერთაშორისო საბაკალავრო პროგრამაზე წვდომის უზრუნველყოფის გზით.

ევროკავშირის მიზანია, ხელი შეუწყოს ფორმალური და არაფორმალური განათლების გაუმჯობესებას და ახალგაზრდებისათვის შრომის ბაზარზე ინტეგრაციისთვის საჭირო პროფესიული უნარების განვითარების შესაძლებლობების გაზრდას. ბოლო 12 წლის განმავლობაში ევროკავშირი თანამშრომლობდა საქართველოს მთავრობასთან დასაქმების შუამავალი სერვისებისა და უნარების განვითარების მიმართულებით. შედეგად სამუშაოს 30,000 მაძიებელი შესაბამის სამუშაო ადგილზე დასაქმდა. ევროკავშირი მუშაობს მოსახლეობის სოციალურად დაუცველ ჯგუფებთანაც იმისათვის, რომ ყველა ახალგაზრდას, მათ შორის იმ ახალგაზრდებს, რომლებსაც არ აქვთ წვდომა შესაძლებლობებზე, საკუთარი უნარების განვითარებაში, ეკონომიკური კუთხით გააქტიურებასა და საკუთარ თემებთან მუშაობაში დაეხმაროს.

ევროკავშირის მხარდაჭერა ახალგაზრდებს