მწვანე გურია - ადგილობრივი დემოკრატიისა და სოფლის განვითარების მხარდაჭერა ინკლუზიური და მდგრადი მწვანე ზრდისთვის - სამწლიანი პროექტია, რომლის მიზანია ადგილობრივი ეკონომიკური საქმიანობების დივერსიფიკაცია, ინვესტიციების მოზიდვა და კონკურენტული სასოფლო-სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი და სტრატეგიული დაგეგმვის გზით. პროექტის ამოცანაა ოზურგეთის, ლანჩხუთისა და ჩოხატაურის მუნიციპალიტეტების განვითარების პოტენციალის გაძლიერება და ადგილობრივი შესაძლებლობებისა და რესურსების ოპტიმალური გამოყენება. პროექტს ახორციელებს CENN შემდეგ ორგანიზაციებთან თანამშრომლობით: ახალგაზრდა პედაგოგთა კავშირი, დემოკრატიის ინსტიტუტი, ქედის ადგილობრივი განვითარების ჯგუფი (LAG). პროექტის სამიზნე ჯგუფები და ბენეფიციარები არიან: ოზურგეთის, ლანჩხუთისა და ჩოხატაურის მუნიციპალიტეტების სათემო ორგანიზაციები, ადგილობრივი თემები, ადგილობრივი ხელისუფლება, რეგიონული ხელისუფლება, ფერმერები, მეწარმეები, ტურისტულ სერვისებში ჩართული პირები, სასწავლო დაწესებულებები და ახალგაზრდები, ადგილობრივი და რეგიონული მედიაორგანიზაციები.

პროექტის ზოგადი მიზანია სიღარიბის შემცირება და მოწყვლადი თემებისთვის ეკონომიკური და სოციალური გარემოსა და საცხოვრებელი პირობების გაუმჯობესება სამოქალაქო ჩართულობის, სოფლის ინკლუზიური განვითარებისა და მწვანე ზრდის მხარდაჭერის გზით.

პროექტის კონკრეტული მიზანია ადგილობრივი ეკონომიკური საქმიანობების დივერსიფიკაცია, ოზურგეთის, ლანჩხუთისა და ჩოხატაურის მუნიციპალიტეტებში ინვესტიციების მოზიდვისა და კონკურენტული სასოფლო-სამეურნეო და გარემოსდაცვითი პრაქტიკის დანერგვის ხელშეწყობა ქვევიდან ზევით მიდგომით სოფლის განვითარების სტრატეგიული დაგეგმვის გზით.

მოსალოდნელი შედეგები:
შედეგი 1: გაუმჯობესებულია მონაწილეობითი მექანიზმები მდგრადი სოფლისა და ტერიტორიული განვითარებისათვის.
შედეგი 2: გაუმჯობესებულია პოლიტიკური დიალოგი და სოფლის განვითარების მიდგომების მონაწილეობითი განხორციელება.
შედეგი 3: ადგილობრივი ეკონომიკური საქმიანობები დივერსიფიცირებულია.
შედეგი 4: გაუმჯობესებულია სოფლად მცხოვრები მოსახლეობის სახელმწიფო სერვისებსა და ინფრასტრუქტურაზე ხელმისაწვდომობა.