პროექტის მთავარი მიზანია ხელი შეუწყოს მედიის თავისუფლებას, მედია-წიგნიერების გავრცელებას და საზოგადოების მდგრადობის გაძლიერებას დეზინფორმაციის წინააღმდეგ, რაც ერთობლივად საქართველოში დემოკრატიის განმტკიცებას ემსახურება. ჩვენ ვიმუშავებთ სამი სტრატეგიული მიმართულებით:
ა. შევისწავლით მედია ორგანიზაციებს, მათ გამჭვირვალობას და მედიასთან დაკავშირებულ კანონმდებლობას. დავაორგანიზებთ სხვადასხვა ფორმატის შეხვედრებს მრავალი დაინტერესებული მხარის მონაწილეობით მედია ადვოკატირებისა და მედიის მიმართ ნდობის გაძლიერების მიზნით. შევქმნით და გამოვაქვეყნებთ მომხმარებელზე ორიენტირებულ მასალებს მედიის გამჭვირვალობისა და მარეგულირებელი ჩარჩოების შესახებ.
ბ. ადგილობრივ მედია საშუალებებს გავუწევთ პირდაპირ ფინანსურ მხარდაჭერას. მედიის წარმომადგენლებს შევთავაზებთ ოთხ-განზომილებიან სასწავლო პროგრამას მედიის უსაფრთხოების შესახებ.
გ. მედიით, ინფორმაციის მართვითა და კომუნიკაციების სფეროთი დაინტერესებულ პირებს შევთავაზებთ ყოველწლიურ ჰაკათონს მედიის მოხმარებისა და მედია-წიგნიერების შესახებ. პირდაპირ ფინანსურ მხარდაჭერას გავუწევთ ინოვაციური პროექტების განვითარებას. თბილისსა და საქართველოს რეგიონებში ახალგაზრდა მომხმარებლებისთვის ჩავატარებთ სემინარების სერიას.