პროექტი მიზნად ისახავს ადგილობრივი ეკოსისტემის გაუმჯობესებას განახლებადი ენერგიის წყაროების (RES) და ენერგოეფექტური (EE) პაკეტების გაზრდილი წილისთვის, რაც გამოყენებული იქნება ადგილობრივი თვითმმართველობის, კერძო სექტორისა და სამოქალაქო საზოგადოების ორგანიზაციების მიერ ჩოხატაურის მუნიციპალიტეტში.

პროექტი ეფუძნება ორ პრიორიტეტს: ადგილობრივი ინფრასტრუქტურისა და სერვისების გაუმჯობესებას საცხოვრებელი კომფორტის დონის და საინვესტიციო მიმზიდველობის გასაზრდელად ჩოხატაურში და საზოგადოების მონაწილეობის, ინკლუზიური გადაწყვეტილების მიღებისა და საკონსულტაციო პროცესების ხელშეწყობას მუნიციპალური სერვისებისა და ანგარიშვალდებულების ხარისხის გასაუმჯობესებლად.

- სკოლამდელი აღზრდის მოსწავლეთა კომფორტის დონის ამაღლების მიზნით ჩოხატაურის მუნიციპალიტეტის 7 საბავშვო ბაღების განახლება ენერგოეფექტური ტექნოლოგიებითა და შენობა-ნაგებობების მოდერნიზაციის ელემენტებით.
- მცირე საგრანტო პროგრამის განხორციელება, რომელიც ხელს შეუწყობს განახლებადი ენერგიის წყაროების (RES), ეფექტური ენერგიისა და ხარჯების შემცირების მექანიზმების განვითარებას ფიზიკური პირებისთვის, მეწარმეებისა და სამოქალაქო საზოგადოების ორგანიზაციებისთვის;
- საზოგადოების ცნობიერების დონის ამაღლების კამპანია „EEconomy – დაზოგე ენერგია და ფული, გაზარდე შენი კომფორტის დონე“;
- ჩოხატაურის ადგილობრივი თვითმმართველობის მიერ მიწოდებული მუნიციპალური მომსახურების ხარისხის გაუმჯობესება, კერძოდ, საბავშვო ბაღებში ელექტრონული რეგისტრაცია და ხარისხიანი კომუნალური მომსახურება;
- ადგილობრივი თვითმმართველობის, ბიზნესისა და სამოქალაქო საზოგადოების ორგანიზაციებისთვის რეინვესტირების მექანიზმების შემუშავება.

(1) ენერგოეფექტურობის (EE) სტანდარტების დაცვით შვიდი (7) საბავშვო ბაღის გაუმჯობესებული ინფრასტრუქტურა მოსახლეობას დაუმტკიცებს, რომ ადგილობრივი თვითმმართველობის ორგანო ზრუნავს ახალგაზრდა თაობაზე და ადრეულ ეტაპზე იღებს შესაბამის ზომებს ემიგრაციის თავიდან ასაცილებლად;
(2) ადგილობრივი ბიუჯეტის წლიური დაზოგვა ენერგოეფექტურობის გაუმჯობესების მეშვეობით საშუალებას მისცემს ადგილობრივ თვითმმართველობას, უკეთ დააკმაყოფილოს ადგილობრივი საჭიროებები;
(3) საზოგადოების თანამონაწილეობის ზრდა და ენერგოეფექტურობის უზრუნველყოფა (EE) შექმნის საჭირო პირობებს ღია ადგილობრივი მმართველობისა და მომსახურებაზე დაფუძნებული მუნიციპალური სერვისებისთვის;
(4) დანაზოგების რეინვესტირების მექანიზმი უზრუნველყოფს შედეგების მდგრადობას პროექტის დასრულების შემდგომ და გაზიარების პოტენციალს სხვა დაბალი შემოსავლის მქონე ადგილობრივი თვითმმართველობის ორგანოებისთვის საქართველოში.