პროექტი მიზნად ისახავს საქართველოს ევროკავშირთან დაახლოების ხელშეწყობას საზოგადოების ფართო ჩართულობითა და თანამშრომლობით; ქვეყანაში დემოკრატიის, სამოქალაქო საზოგადოების, ახალგაზრდების, მედიის, ბიზნესის, ახალგაზრდა ადვოკატების, და აქტივისტების სამართლებრივ მხარდაჭერასა და გაძლიერებას; სამეცნიერო კვლევებისა და საზოგადოებრივი დიალოგის ინიცირებას; საქართველოს საზოგადოებისა და საერთაშორისო საზოგადოების ინფორმირების ზრდას.

მიზანი 1: კვლევის, მონიტორინგისა და ცნობიერების ამაღლების აქტივობებით სახელმწიფო, რეგიონულ და საერთაშორისო დონეზე დიალოგისა და პოლიტიკის ანალიზის ხელშეწყობა საქართველოს ევროპული ინტეგრაციის მხარდაჭერისთვის.
მიზანი 2: სამოქალაქო საზოგადოების, აკადემიური წრეების, კვლევითი ცენტრების და დამოუკიდებელი მედიის გაძლიერება და მედეგობის გაუმჯობესება საქართველოს ევროპული ინტეგრაციის მხარდასაჭერად.
მიზანი 3: დიალოგი ფართო საზოგადოებასთან, ცნობიერების ამაღლება და მოქალაქეთა ჩართულობის უზრუნველყოფა ევროინტეგრაციის პროცესში.

შედეგი 1: ფაქტებზე დაფუძნებული პოლიტიკის მხარდაჭერა სახელმწიფო და საერთაშორისო დონეზე კერძო-საჯარო პარტნიორობის სამუშაო ჯგუფების მონაწილეობით.
შედეგი 2: სამოქალაქო საზოგადოების ორგანიზაციები, ბიზნესის სექტორის, კვლევითი ცენტრების და დამოუკიდებელი მედიის წარმომადგენლები გაერთიანებულნი არიან ძლიერ ქსელში და აქტიურად მონაწილეობენ ევროპული ინტეგრაციის პროცესში;
შედეგი 3: საზოგადეობის, განსაკუთრებით კი ახალგაზრდებისა და უმცირესობების, მაქსიმალური ჩართულობა ევროპული ინტეგრაციის პროცესში.