EU4BUSINESS - ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მცირე და საშუალო ბიზნესის პირდაპირი მხარდაჭერის ინსტრუმენტის მიზანია ევროკავშირის და ევროპის რეკონსტრუქციისა და განვითარების ბანკის ფინანსების გაერთიანება მცირე და საშუალო ბიზნესისთვის ფინანსური და ტექნიკური დახმარების გასაწევად და მცირე და საშუალო საწარმოებისთვის სესხების გაცემის პირობების გასაუმჯობესებლად.

ამ ინსტრუმენტის კონკრეტული ამოცანაა კერძო სექტორის მხარდაჭერა ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) ქვეყნებში, განსაკუთრებით მცირე და საშუალო საწარმოებისთვის სესხების გაცემის გზით.

- მცირე და საშუალო ბიზნესის გაუმჯობესებული წვდომა ფინანსებზე და გრძელვადიანი დაფინანსების დეფიციტის გამოსწორება.
- გრძელვადიანი დაფინანსების უზრუნველყოფა ადგილობრივ ვალუტაში და ამით სავალუტო რისკის შემცირება მცირე და საშუალო ბიზნესისთვის.
- მცირე და საშუალო ბიზნესის დახმარება ხარისხიანი კაპიტალდაბანდების პროექტების განსაზღვრაში და წარმატებით განხორციელებაში, მათი მმართველობის სტრუქტურის გაუმჯობესება და მათთვის საუკეთესო პრაქტიკის გაცნობა.
- დახმარება ადგილობრივი საფინანსო ბაზრების განვითარებაში მდგრადი და საბაზრო პრინციპების გათვალისწინებით.
- რისკების განაწილება (ევროკავშირის გრანტი დაზღვევის დასაფარად პირველი ზარალის მიღებამდე).
- ტექნიკური დახმარება.