პროექტის მიზანია ბავშვების ოჯახურ გარემოში ცხოვრების უფლების მხარდაჭერა, პრევენციისა და რეინტეგრაციის სერვისების გაძლიერების გზით. ეს მოიცავს არსებული რეინტეგრაციის პროცესების შეფასებას, ოჯახების საჭიროებების განსაზღვრას და მხარდამჭერი პროგრამების დიზაინს, რათა გაიზარდოს ბიოლოგიურ ოჯახებში დაბრუნებული ბავშვების რაოდენობა.
დამატებით, პროექტი ითვალისწინებს სოციალური მომსახურების მუშაკების გაძლიერებას, რაც მოიცავს მომსახურებების სრულყოფილ აღწერას და შეფასებას, ასევე თანამშრომლობას სახალხო დამცველის ოფისთან ბავშვის ოჯახიდან განცალკევების დროს მისი უფლებების მონიტორინგის მიზნით.

ინიციატივა ასევე მიზნად ისახავს სექსუალური ძალადობის მსხვერპლთა ცენტრის (Barnahus) გაძლიერებას, რომელიც ემსახურება ბავშვებს, რომლებიც სექსუალური ძალადობა განიცადეს და საჭიროებენ დაუყოვნებელ დახმარებასა და რეაბილიტაციას.
სექსუალური ძალადობის პრევენციის ერთ-ერთი ყველაზე ეფექტიანი სტრატეგიაა ბავშვების, მშობლებისა და მზრუნველების გაძლიერება — მათი ცნობიერების ამაღლების გზით და ძალადობის შემთხვევებზე რეაგირების და შეტყობინების უნარის გაძლიერებით.
პროექტის გეგმები ასევე მოიცავს ბავშვთა უფლებების შესახებ ცნობიერების ამაღლებას ეროვნული კამპანიის მეშვეობით.

ბავშვები დაცულნი და უფრო ძლიერნი არიან, ხოლო პასუხისმგებელ პირებს აქვთ ანგარიშვალდებულება და შესაძლებლობები მიაწოდონ მომსახურებები გაუმჯობესებული გარემოს პირობებში.

კონკრეტული ამოცანები:
1. ბავშვები და დაუცველი ოჯახები სარგებლობენ ცხოვრების გაუმჯობესებული სტანდარტებით და მზრუნველი ოჯახური გარემოთი.
2. კანონთან კონტაქტში მყოფი ბავშვებისთვის ხელმისაწვდომია ბავშვზე მორგებული რესურსები, ხოლო მართლმსაჯულების სფეროს პროფესიონალებას აქვთ უკეთესი შესაძლებლობები, არსებობს უწყებათაშორისი თანამშრომლობა და სერვისები.

1. ოჯახიდან განცალკევების პრევენციასა და რეინტეგრაციაში ჩართული პროფესიონალების შესაძლებლობები და უწყებათაშორისი თანამშრომლობა გაძლიერებულია.
2. პროფესიონალებს შეუძლიათ ადრეულ ეტაპზე გამოავლინონ ბავშვთა მოწყვლადობის ნიშნები და ხელი შეუწყონ მტკიცებულებებზე დაფუძნებული და ინკლუზიური სოციალური სერვისების განვითარებას.
3. ბავშვებსა და ახალგაზრდებს აქვთ შესაძლებლობა და პლატფორმები, რათა მონაწილეობა მიიღონ მუნიციპალიტეტის მიერ გადაწყვეტილებების მიღებაში, რომლებიც შეეხება სოციალურ პროგრამებსა და სერვისებს.
4. სექსუალური ძალადობის მსხვერპლი ბავშვების დასახმარებლად გაძლიერებულია უწყებათაშორისი მხარდაჭერა და კანონთან კონტაქტში მყოფი ბავშვებისთვის ხელმისაწვდომია ბავშვზე მორგებული სამართლებრივი დახმარება.
5. ბავშვებს ხელი მიუწვდებათ ბავშვზე მორგებული მართლმსაჯულებისა და დაცვის მექანიზმებზე.