ევროკავშირის წევრი ქვეყნების საელჩოები ევროპას კახეთში გასტრონომიით, ინტერაქციული, კულტურული აქტივობებით, ქვიზებით, თამაშებითა და საინტერესო ისტორიებით წარმოადგენენ.

ევროკავშირის წევრი ქვეყნების საელჩოები თავიანთ ქვეყნებს გასტრონომიისა და ინტერაქციული კულტურული გამოცდილების საშუალებით წარმოადგენენ. ეროვნულ კერძებთან და პროდუქტებთან ერთად, საელჩოები ვიქტორინებს, თამაშებს და სხვა გასართობ აქტივობებს შემოგთავაზებენ.

საქართველოში ევროკავშირის მხარდაჭერით განხორციელებული პროექტები კახეთშიც შემოგვიერთდებიან და ტრადიციულად საინტერესო და ინტერაქციულ ვორქშოპებს, ქვიზებს და ბევრ გასართობ და საგანმანათლებლო აქტივობას შემოგვთავაზებენ.

კახური მრავალხმიანობა და ევროპული ცეკვები საღამოს კონცერტამდე მოწყენის საშუალებას არ მოგვცემენ.

თუ კახეთის ულამაზეს ლანდშაფტში ველოსიპედით გასეირნება გადაწყვიტეთ, მაშინ ველოტურის ჯგუფს შემოუერთდით (სარეგისტრაციო ბმული მალე დაემატება).

დაატრიალეთ ცოდნის ბორბალი, უპასუხეთ შეკითხვებს ევროკავშირისა და მისი წევრი ქვეყნების შესახებ და მოიგეთ პრიზები.

იმოგზაურეთ ვირტუალურად 20-ზე მეტ ევროპულ ქალაქში და ისიამოვნეთ ინტერაქციული გამოცდილებით.

“თამაშობანას” პოპულარული “გაფუჭებული ტელეფონი” კახეთსაც ესტუმრება და მაყურებელს აქაც არ დატოვებს გულგრილს.

მოგიყვებით ნივთების ხელახლა გამოყენების, შეკეთებისა და განახლების პრაქტიკულ გზებზე და რას აკეთებს ევროკავშირი საქართველოს მწვანე მომავლისთვის.

დაესწარით პრაქტიკულ ვორქშოპს, რომელსაც პროფესიონალი ფოტოგრაფები გაუძღვებიან. (სარეგისტრაციო ბმული მალე დაემატება).

კახეთში ყველასთვის ცნობილი სამაგიდო თამაშების კლუბი “თავსატეხი” არ მოგცემთ მოწყენის საშუალებას. ჩაერთეთ, ითამაშეთ და მოიგეთ პრიზები.