პროექტი “ოჯახში და გენდერული ძალადობის წინააღმდეგ ბრძოლის ხელშეწყობა” ხორციელდება ევროკავშირის მხარდაჭერით, არასამთავრობო ორგანიზაციის „წამების მსხვერპლთა ფსიქოსოციალური და სამედიცინო რეაბილიტაციის ცენტრი GCRT“ -ისა და ადგილობრივი სამოქალაქო ორგანიზაციების „საფარი“, „ქალთა ინიციატივების მხარდამჭერი ჯგუფი“, „ქალთა ფონდი საქართველო, მარნეულის დემოკრატ ქალთა საზოგადოება“ და “არტარეა” პარტნიორობით.
პროექტის ფარგლებში სამიზნე ჯგუფს წარმოადგენს გენდერული ნიშნით და ოჯახში ძალადობის ყველა მსხვერპლი ქალი და გოგო, მათ შორის:
• ლბტ თემის წარმომადგენლები;
• ეთნიკური უმცირესობები;
• სექსმუშაკები;
• პრობაციონერები;
• სოფლად მცხოვრები ქალები და გოგონები;

პროექტი მიმართულია ქალთა მიმართ ძალადობის აღმოფხვრისკენ და გულისხმობს პროექტში გაერთიანებული ექვსი ორგანიზაციის ჩართულობას მიკრო, მეზო და მაკრო დონეზე. მაკრო დონეზე, აქტივობები მიმართულია საქართველოს კანონმდებლობის დახვეწასა და მართლმსაჯულებაზე ხელმისაწვდომობის გაუმჯობესებისკენ. მეზო დონე მიმართულია ოჯახში ძალადობისა და გენდერული ძალადობის პრევენციაზე; მიკრო დონე კი უზღუნველყოფს სექსუალური ძალადობის მსხვერპლთათვის სერვისის მიწოდებასა და მათ გაძლიერებას თბილისში, იმერეთში, ქვემო და შიდა ქართლში.
პროექტი ითვალისწინებს საგრანტო კორკურსის ფარგლებში ოჯახში და გენდერული ძალადობის საკითხებზე მომუშავე რეგიონალური სამოქალაქო სექტორის გაძლიერებას.

ოჯახში და გენდერული ძალადობის შემთხვევების შემცირება საქართველოში, კერძოდ: საკანონმდებლო ჩარჩოსა და პოლიტიკის დოკუმენტების ცვლილებების ინიცირება გენდერულ ძალადობასა და ოჯახში ძალადობასთან დაკავშირებით; ოჯახში და გენდერული ნიშნით ძალადობის პრევენცია; სერვისებზე ხელმისაწვდომობის გაზრდა და ძალადობის აღმოფხვრა გენდერული ნიშნით ძალადობის მსხვერპლი ქალებისა და გოგოებისთვის;

საქართველოს კანონმდებლობის დახვეწა, მართლმსაჯულებაზე ხელმისაწვდომობის გაუმჯობესება; სამართალდამცავი ორგანოზების გაძლიერება და მათი ანგარიშგების გაზრდა სექსუალური და სიძულვილით მოტივირებული დანაშაულების შემთხვევებზე.
სტრატეგიული სამართალწარმოება ოჯახში ძალადობისა და გენდერული ნიშნით ძალადობის შემთხვევებზე - მიზნად ისახავს სამართალდამცავი ორგანოების გაუმჯობესებული პრაქტიკას ქალების ძალადობისგან დაცვისა და მართლმსაჯულებაზე ხელმისაწვდომობის კუთხით.
მუნიციპალიტეტების და ადგილობრივი არასამთავრობო ორგანიზაციების შესაძლებლობების განვითარება;
ოჯახში და გენდერული ნიშნით ძალადობის პრევენციის მიზნით ერთობლივი პროექტების განხორციელება; საზოგადოების ცნობიერების ამაღლების კამპანია მოიცავს, როგორც ონლაინ კონტენტის გავრცელებას, ისე საგანმანათლებლო და საკონსულტაციო შეხვედრებს თემში ქალებთან და გოგოებთან;