EMCDDA4Georgia („EMCDDA4GE“) – პროექტის მიზანია ნარკოტიკულ საშუალებათა არალეგალური ბაზრის შედეგად შექმნილი ჯანმრთელობისა და უსაფრთხოების რისკებზე რეაგირებისათვის საჭირო მექანიზმების ეტაპობრივი გაძლიერება ეროვნულ დონეზე.
EMCDDA-ს ტექნიკური თანამშრომლობის წინა პროექტების ფარგლებში მიღებულ მიღწევებსა და შედეგებზე დაყრდნობით, პროექტ „EMCDDA4GE“-ის საერთო მიზანია გააძლიეროს ქვეყნის საპასუხო ზომები ნარკოტიკებით გამოწვეულ ჯანამრთელობასა და უსაფრთხოებასთან დაკავშირებულ საფრთხეებზე.
საერთო მიზნის მისაღწევად, პროექტი „EMCDDA4GE“ დახმარებას უწევს საქართველოს ნარკოვითარების მონიტორინგის ეროვნულ ცენტრს მონიტორინგისა და ანგარიშგების პროცესის გაუმჯობესების კუთხით. კერძოდ, პროექტის ფარგლებში გაიზრდება ჯანმრთელობისა და უსაფრთხოების სფეროებში ნარკოტიკებთან დაკავშირებულ მონაცემებსა და სტატისტიკურ ინფორმაციაზე ხელმისაწვდომობა, უზრუნველყოფილი იქნება ტექნიკური და თემატური ექსპერტების მხარდაჭერა, მონაცემების შეგროვებასთან დაკავშირებული მეთოდოლოგიური სამუშაოები და სხვა. ამასთან, პროექტი მიზნად ისახავს ადრეული გაფრთხილების სისტემის ქსელის გაძლიერებას, ახალი ფსიქოაქტიური ნივთიერებების შესახებ ინფორმაციის დროულად და მოქნილად გაცვლის მიზნით.
პროექტი „EMCDDA4GE“ გააუმჯობესებს პრევენციისა და მკურნალობის ეროვნულ შესაძლებლობებს. გადაწყვეტილების მიმღებ პირებსა და საზოგადოებრივი აზრის ჩამოყალიბებაზე ზეგავლენის მქონე პირებს (DOP) გაუზიარებს პრევენციასთან დაკავშირებულ საკვანძო ინფორმაციას მტკიცებულებებზე დაფუძნებული პრევენციის ყველაზე ქმედითი მიდგომებისა და ჩარევების თაობაზე. პარალელურად, პროექტი გააძლიერებს საქართველოში წამალდამოკიდებულების სამკურნალო სისტემას ტრენინგებისა და შესაძლებლობის ამაღლების გზით. პროფესიონალებს მიეწოდებათ ინფორმაცია და შესაბამისი ცოდნა მტკიცებულებებზე დაფუძნებული წამალდამოკიდებულების სამკურნალო მეთოდების თაობაზე.

მთვარი მიზანი
საქართველოში ნარკოტიკების გავრცელებით გამოწვეული ჯანამრთელობისა და უსაფრთხოების რისკებთან დაკავშირებულ საკითხებზე ეროვნული რეაგირების მექანიზმების გაძლიერებაში წვლილის შეტანა
კონკრეტული მიზნები (SO)
SO 1 – საქართველოს ნარკოვითარების მონიტორინგის ეროვნული ცენტრის მონიტორინგისა და ანგარიშგების შესაძლებლობების გაძლიერება.
აღნიშნული მიზნის მისაღწევად, უპირველეს ყოვლისა, ქვეყანაში შეფასდება ნარკოვითარების მონიტორინგის ეროვნული ცენტრის (NDO) ინსტიტუციური შესაძლებლობები. შეფასების შედეგებიდან გამომდინარე, ნარკოტიკებთან დაკავშირებით ინფორმაციისა და სტატისტიკური მონაცემების ხელმისაწვდომობის გაზრდის მიზნით, გატარდება შესაბამისი ზომები, როგორც ჯანმრთელობის დაცვის, ისე - უსაფრთხოების სფეროებში, მათ შორის, ჩატარდება მეთოდოლოგიური სამუშაოები ინფორმაციის შეგროვებასთან დაკავშირებით; ცენტრს მიეწოდება როგორც ტექნიკური, ისე - თემატური ექსპერტული დახმარება. ამასთან, პროექტი მიზნად ისახავს, ადრეული გაფრთხილების სისტემის (NEWS) ქსელის გაძლიერებას ახალი ფსიქოაქტიური ნივთიერებების (NPS) შესახებ ინფორმაციის გაცვლის მიზნით.
SO 2 – ეროვნულ დონეზე პრევენციისა და მკურნალობის შესაძლებლობების გაძლიერება
მეორე კონკრეტული მიზნის ფარგლებში, გადაწყვეტილების მიმღებ პირებსა და საზოგადოებრივი აზრის ჩამოყალიბებაზე ზეგავლენის მქონე პირებს (DOP) პროექტის ფარგლებში მიეწოდებათ პრევენციასთან დაკავშირებული საკვანძო ინფორმაცია მტკიცებულებებზე დაფუძნებული პრევენციის ყველაზე ქმედითი მიდგომებისა და ჩარევების თაობაზე.
ამავე დროს, პროექტი გააძლიერებს საქართველოში წამალდამოკიდებულების სამკურნალო სისტემას ტრენინგებისა და შესაძლებლობის ამაღლების გზით, რომლის ფარგლებშიც პროფესიონალებს მიეწოდებათ ინფორმაცია და შესაბამისი ცოდნა მტკიცებულებებზე დაფუძნებული წამალდამოკიდებულების სამკურნალო მეთოდების თაობაზე. აღნიშნული აისახება თემატურ სასწავლო დაწესებულებებთან თანამშრომლობით, სტანდარტების დანერგვის, შენარჩუნებისა და ინტერვენციების ხარისხის გაუმჯობესების პროცესში ჩართულობით.

მოსალოდნელი შედეგი 1.1: შეფასებულია ნარკოვითარების მონიტორინგის ეროვნული ცენტრის ინსტიტუციური შესაძლებლობები.
მოსალოდნელი შედეგი 1.2: ევროკავშირის სტანდარტების შესაბამისად გაზრდილია ცოდნა ჯანდაცვისა და უსაფრთხოების სფეროებში მონაცემების შეგროვებისა და ანგარიშგების ინსტრუმენტების თაობაზე, ასევე, გაზრდილია ინფორმაციის ხელმისაწვდომობა ეროვნულ დონეზე.
მოსალოდნელი შედეგი 1.3: შექმნილია ადრეული გაფრთხილების სისტემის (NEWS) ეროვნული ქსელი.
მოსალოდნელი შედეგი 2.1: გადაწყვეტილების მიმღები პირები და საზოგადოებრივი აზრის ჩამოყალიბებაზე ზეგავლენის მქონე პირები სათანადოდ არიან ინფორმირებულნი მტკიცებულებებზე დაფუძნებული პრევენციული მიდგომებისა და ჩარევების თაობაზე.
მოსალოდნელი შედეგი 2.2: გაძლიერებულია ნარკოლოგიური დახმარების გამწევ სპეციალისტთა საგანანმანათლებლო სისტემა.