ეს პროექტი ტრანსატლანტიკური ფონდის (TF) და ორგანიზაციის Equal Rights & Independent Media (ERIM) ერთობლივი ძალისხმევაა და მიზნად ისახავს ფუნქციონირებადი პლურალიზმის და მონაწილეობრივი და წარმომადგენლობითი დემოკრატიის ხელშეწყობას აღმოსავლეთ პარტნიორობის ქვეყნებში. ის წყვეტს ძირითად გამოწვევებს, რომლებიც დგება სამოქალაქო საზოგადოების ორგანიზაციებს წინაშე არჩევნების მონიტორინგის და დემოკრატიული ანგარიშვალდებულების მექანიზმების მხარდაჭერის პროცესში.
პროექტის მიზანია სამოქალაქო საზოგადოების ორგანიზაციების პოტენციალის და ჩართულობის გაძლიერება არჩევნების მონიტორინგში და დემოკრატიული ანგარიშვალდებულების მხარდაჭერაში. ძირითადი დაინტერესებული მხარეები არიან სამოქალაქო საზოგადოების ორგანიზაციები, სამოქალაქო ინიციატივები, მოქალაქეთა ჯგუფები (მათ შორის ახალგაზრდები, ქალები და დაუცველი მოსახლეობა), დამოუკიდებელი მედია და ანალიტიკური ცენტრები. პროექტის ზოგადი მიზანია უზრუნველყოს აღმოსავლეთ სამეზობლოს სამოქალაქო საზოგადოების სუბიექტების ჩართულობა და ქმედითუნარიანობა, ასევე მათი სათანადო ცოდნა არჩევნების მონიტორინგის და დემოკრატიული ანგარიშვალდებულების მექანიზმების მხარდაჭერის საკითხებში.

პროექტის ზოგადი მიზანია უზრუნველყოს აღმოსავლეთ სამეზობლოს სამოქალაქო საზოგადოების სუბიექტების ჩართულობა და ქმედითუნარიანობა, ასევე მათი სათანადო ცოდნა არჩევნების მონიტორინგის და დემოკრატიული ანგარიშვალდებულების მექანიზმების მხარდაჭერის საკითხებში.
ამ საქმიანობის კონკრეტული მიზნებია:
1. არჩევნების მონიტორინგის და დაკვირვების პროცესში არსებული დაბრკოლებების უკეთ გააზრება აღმოსავლეთ პარტნიორობის ქვეყნებში
2. სამოქალაქო საზოგადოების ორგანიზაციების პოტენციალის გაძლიერება აღმოსავლეთ პარტნიორობის ქვეყნებში, რათა მათ შეძლონ არჩევნებზე დამოუკიდებელი და სანდო დაკვირვების და ზედამხედველობის განხორციელება სრული საარჩევნო ციკლის განმავლობაში (წინასაარჩევნო პერიოდი, არჩევნების დღე და არჩევნების შემდგომი პერიოდი).
3. საზოგადოების ცნობიერების ამაღლება სხვადასხვა სახის კანონსაწინააღმდეგო მოქმედებების შესახებ, რომლებსაც შეუძლია გავლენის მოხდენა არჩევნების ლეგიტიმურობაზე და არჩევნების შედეგების აღიარებაზე ქვეყნის მასშტაბით და მის საზღვრებს გარეთ.

• აღმოსავლეთ სამეზობლოს სამოქალაქო საზოგადოების წარმომადგენლები ჩართულები და ქმედითუნარიანები არიან და იციან, თუ როგორ აწარმოონ არჩევნების მონიტორინგი და დემოკრატიული ანგარიშვალდებულების მექანიზმების მხარდაჭერა.
• სამოქალაქო საზოგადოების სუბიექტებს და სხვა შესაბამის დაინტერესებულ მხარეებს უკეთესად აქვთ გააზრებული არჩევნების მონიტორინგის და არჩევნებზე დაკვირვების პროცესში არსებული დაბრკოლებები აღმოსავლეთ პარტნიორობის ქვეყნებში.
• გაზრდილია აღმოსავლეთ პარტნიორობის ქვეყნების სამოქალაქო საზოგადოების ორგანიზაციების პოტენციალი იმისათვის, რომ მათ ჩაატარონ დამოუკიდებელი და სანდო დაკვირვება არჩევნებზე და განახორციელონ უფრო ფართო ზედამხედველობითი საქმიანობა სრული საარჩევნო ციკლის განმავლობაში (წინასაარჩევნო პერიოდი, არჩევნების დღე და არჩევნების შემდგომი პერიოდი).
• გაზრდილია საზოგადოების ცნობიერება სხვადასხვა სახის დარღვევების შესახებ, რომლებსაც შეუძლია გავლენა მოახდინონ არჩევნების ლეგიტიმურობასა და არჩევნების შედეგების აღიარებაზე.