ამ პროექტის ფარგლებში აღმოსავლეთ პარტნიორობის ქვეყნებს შესთავაზებენ დახმარებას, რაც გულისხმობს დემოკრატიული ინსტიტუტებისა და ადამიანის უფლებათა ოფისის (ODIHR) ინსტრუმენტების ყოვლისმომცველი პაკეტით სარგებლობას იმ მიზნით, რომ ამ ქვეყნებმა გააძლიერონ კანონის უზენაესობის და ადამიანის უფლებების პატივისცემაზე დაფუძნებული დემოკრატიული მმართველობის სისტემები, გაზარდონ საზოგადოების ნდობა ინსტიტუტების მიმართ, მხარი დაუჭირონ უფრო წარმომადგენლობითი მთავრობის არსებობას, და ინკლუზიას და ჩართულობას პოლიტიკურ და გადაწყვეტილების მიღების პროცესებში; ზემოაღნიშნული ღონისძიებები ხელს უწყობს უფრო ეფექტურ რეაგირებას მიმდინარე კრიზისებზე და ზრდის მდგრადობას მომავალი კრიზისების მიმართ. ამ პროექტის ფარგლებში გაწეული მხარდაჭერა საშუალებას მისცემს სახელმწიფოებს განახორციელონ უფრო ეფექტური და ეფექტიანი პოლიტიკა და შეაფასონ წინსვლა შემდეგი მიმართულებებით: ანგარიშვალდებული და ინკლუზიური დემოკრატიული ინსტიტუტები; საზოგადოებრივი კეთილსინდისიერების უზრუნველყოფის სისტემების გაძლიერება; სამართლებრივი ჩარჩოების შესაბამისობა ადამიანის უფლებებთან; პოლიტიკური პარტიების რეგულირება; ტრადიციულად არასაკმარისად წარმოდგენილი ჯგუფების უფრო აქტიური მონაწილეობა პოლიტიკურ ცხოვრებაში და გადაწყვეტილების მიღების პროცესებში. ODIHR-ის რეგიონული ექსპერტიზის, დემოკრატიული ინსტიტუტების წინაშე არსებული გამოწვევების სიღრმისეული გააზრების და ვრცელი პარტნიორული ურთიერთობების გამოყენებით პროექტი ხელს შეუწყობს მოსაზრებების და პერსპექტივების გაზიარებას წარსული მიღწევების საფუძველზე შემდეგი მიზნით: მოწინავე პრაქტიკის და მიღებული გამოცდილების გამოყენება იმისათვის, რომ სახელმწიფოებმა უკეთ შეძლონ მოქალაქეთა უფლებამოსილებების გაძლიერება და გახადონ დემოკრატიული პროცესი უფრო ინკლუზიური და წარმომადგენლობითი.

პროექტის მიზანია აღმოსავლეთ პარტნიორობის ქვეყნებში დემოკრატიული ინსტიტუტების და პროცესების მხარდაჭერა, რათა გააუმჯობესონ მათი ინკლუზიურობა, ანგარიშვალდებულება, მდგრადობა, გამჭვირვალობა, და ადამიანის უფლებებთან და კანონის უზენაესობასთან შესაბამისობა. პროექტი უზრუნველყოფს ტექნიკურ დახმარებას, რათა:
- გააძლიეროს საპარლამენტო, სამოქალაქო საზოგადოების და სასამართლოს ზედამხედველობის მექანიზმები და გააუმჯობესოს ინსტიტუტების გამჭვირვალობა და კეთილსინდისიერება ეთიკური ქცევის კოდექსის მიღების, სრულყოფის და გაფართოების გზით;
- მხარი დაუჭიროს პარლამენტებს სამოქალაქო საზოგადოებასთან საკონსულტაციო საქმიანობის და თანამშრომლობის გასაძლიერებლად, დემოკრატიული კანონშემოქმედებითი პრინციპების დაცვას და საზოგადოების ნდობის გაძლიერებას საარჩევნო ორგანოების მიმართ; გარდა ამისა, ხელი შეუწყოს სახელმწიფო და სამოქალაქო საზოგადოების ზედამხედველობის ორგანოების პოტენციალის გაზრდას, და მოწინავე გამოცდილების გაზიარებას რეგიონულ დონეზე.
- გააუმჯობესოს არასაკმარისად წარმოდგენილი ჯგუფების, კერძოდ, ქალთა, ახალგაზრდობის და შეზღუდული შესაძლებლობების მქონე პირთა მონაწილეობა ეროვნულ პარლამენტებში და პოლიტიკურ პარტიებში, და იმავდროულად შექმნას დიალოგისა და დახმარების პლატფორმა, რათა გააუმჯობესოს სარეგულაციო ჩარჩოები სამოქალაქო საზოგადოებისა და პოლიტიკური პარტიებისთვის.
- გააუმჯობესოს კანონშემოქმედებითი პროცესების ღიაობა, გამჭვირვალობა, ეფექტიანობა, ინკლუზიურობა და ანგარიშვალდებულება რეკომენდაციების და მიზნობრივი დახმარების გაწევით კანონმდებლებისა და პოლიტიკის შემქმნელებისთვის; ასევე ექსპერტული რჩევებით საპარლამენტო პროცედურების და კანონშემოქმედების სამართლებრივი ჩარჩოების დაცვის საკითხებზე საერთაშორისო სტანდარტების შესაბამისად;
- უზრუნველყოს სახელმწიფო და სამოქალაქო საზოგადოება პლატფორმით იმ ძალისხმევის განსახილველად, რომელიც დემოკრატიული ინსტიტუტებისა და ადამიანის უფლებათა ოფისის (ODIHR) საარჩევნო რეკომენდაციების შესასრულებლად არის საჭირო.

- დემოკრატიული ინსტიტუტები უკეთ შეძლებენ მონაწილეობას მტკიცებულებებზე დამყარებულ რეფორმებში და ამასთანავე გააუმჯობესებენ ანგარიშვალდებულებას, კეთილსინდისიერებას და ინკლუზიურობას.
- პოლიტიკური პარტიები იხელმძღვანელებენ კანონის უზენაესობით, ადამიანის უფლებებით და გენდერულად სენსიტიური ნორმატიული აქტებით.
- ადმინისტრაციული მართლმსაჯულების ორგანოები, რომლებიც პასუხისმგებლები არიან საარჩევნო და ფუნდამენტური სამოქალაქო და პოლიტიკური უფლებების განხილვაზე, იმოქმედებენ უფრო ეფექტურად და საერთაშორისო სტანდარტების შესაბამისად.
- გაფართოვდება თანამშრომლობა საკვანძო რეკომენდაციების შესასრულებლად, რაც უზრუნველყოფს საარჩევნო პროცესების გაუმჯობესებას აღმოსავლეთ პარტნიორობის ქვეყნებში.