მცირე გრანტების მიზანი: მხარდაჭერის პაკეტის მიზანია სურსათის უვნებლობის გაუმჯობესება, ღირებულების ჯაჭვში გამოვლენილი აფლატოქსინის განვითარების რისკის შემცირების გზით, რომელიც გამოწვეულია თხილის მოსავლის აღების შემდგომი არასათანადო პრაქტიკითა და აღჭურვილობით. შედეგად, პროექტის აქტივობები დადებით გავლენას მოახდენს ქართული თხილის უვნებლობაზე და უფრო მაღალ შესაბამისობას უზრუნველყოფს ეროვნული სურსათის უვნებლობის რეგულაციებთან.

პროგრამის პრიორიტეტული მიმართულებები: FAO-ს მხარდაჭერა, ENPARD IV-პროგრამის, ამ პაკეტის ფარგლებში მიზნად ისახავს თანამონაწილეობრივი გრანტების გაცემას მცირე და საშუალო ზომის თხილის მწარმოებლებზე, საქართველოს ხუთ ძირითად თხილის მწარმოებელ რეგიონში: სამეგრელო-ზემო სვანეთი, გურია, კახეთი, აჭარა და საგრანტო სქემა გამიზნულია თხილის იმ მწარმოებლებისთვის, რომლებმაც გაიარეს FAO-სა და მისი პარტნიორი ორგანიზაციების მიერ ჩატრებული ტრენინგი თხილის წარმოებაში სურსათის უვნებლობის მიმართულებით. დამატებითი ტრენინგების ჩატარება შესაძლებელია განხორციელდეს  მხარდაჭერის პაკეტის განხორციელების პროცესში.

ვის შეუძლია მონაწილეობა:
ამ ინიციატივის მიზნობრივ ბენეფიციარებს წარმოადგენენ მცირე და საშუალო ზომის თხილის მწარმოებლები, რომლებიც აქტიურად არიან ჩართული თხილის წარმოებაში, სამიზნე რეგიონებში და აქვთ იურიდიული სტატუსი; ასევე მონაწილეობა აქვთ მიღებული FAO-სა და მისი პარტნიორი ორგანიზაციების მიერ ჩატარებულ შემდეგ სურსათის უვნებლობის ტრენინგებში (თხილის მიმართულებით):

• თხილის მოსავლის აღება და მოსავლის შემდგომი ოპერაციები
• თხილის გადამუშავება და აფლატოქსინების პრევენცია
• პესტიციდების უსაფრთხო და ეფექტური გამოყენება – თხილის მწარმოებლისთვის
• თხილის ბაღების მართვა
• თხილის ტრენინგები, ჩატარებული საქართველოს თხილის მწარმოებელთა ასოციაციის მიერ
• მავნებლების ინტეგრირებული მართვა (IPM)

გრანტის მისაღებად, განმცხადებელმა უნდა დააკმაყოფილოს შემდეგი კრიტერიუმები:

• ფლობდეს შემდეგი სამ სამართლებრივი სტატუსთაგან ერთ-ერთს: ინდივიდუალური მეწარმე, შეზღუდული პასუხისმგებლობის საზოგადოება (შპს) ან კოოპერატივი.
• ფლობდეს ან მართავდეს 0.5-დან 30 ჰექტრამდე თხილის ბაღ(ებ)ს სამიზნე რეგიონებში (ქონება არ უნდა იყოს დაყადაღებული).
• დაფინანსებული აღჭურვილობის განსათავსებლად ბენეფიციარი საკუთრებაში უნდა ფლობდეს, ან უნდა წარმოადგინოს ქირავნობის ხელშეკრულება შესაბამისი გადახურული ფართის/სივრცის/ შენობის, რომელიც ტექნიკურად ვარგისია და უზრუნველყოფილი 3- ფაზიანი ელექტროენერგიის წყაროთი  ასევე, აუცილებელია შესაბამისი ფოტო მასალის წარმოდგენა.
• განმცხადებელი არ უნდა იყოს გაკოტრებული, და მისი საქმე არ უნდა იყოს ლიკვიდაციის ან სამართლებრივი ადმინისტრირების პროცესში.
• განმცხადებელს არ უნდა ჰქონდეს მიმდინარე დავა შემოსავლების სამსახურთან, იძულებითი აღსრულების ეროვნულ ბიუროსთან ან სხვა შესაბამის სახელმწიფო სტრუქტურებთან.
• ყველა იმ განმცხადებელთან, რომლებიც დააკმაყოფილებენ საკვალიფიკაციო მოთხოვნებს, ჩატარდება საველე ვიზიტი FAO-ს მონიტორინგის გუნდის მიერ, რათა შეფასდეს შემოთავაზებული ინვესტიციის მიზანშეწონილობა და მისი შესაბამისობა პროექტის მიზნებთან. გარდა ამისა, გრანტის ფარგლებში მოთხოვნილი ინვენტარი და ტექნიკა უნდა შეესაბამებოდეს განმცხადებლის (მფლობელობაში მყოფ) საწარმოს მასშტაბს, შესაძლებლობებსა და საჭიროებებს. აღნიშნული მოთხოვნა მიზნად ისახავს გრანტის რესურსების რაციონალურ და ეფექტიან გამოყენებას და მხარდაჭერილი ინვესტიციების მდგრადობის მაქსიმალურ უზრუნველყოფას. საველე ვიზიტისა და ტექნიკური შეფასების შედეგები განაპირობებს საბოლოო დაფინანსების გადაწყვეტილებას.
• იმ ბენეფიციარებს, რომლებმაც უკვე მიიღეს თანამონაწილეობრივი გრანტი ENPARD IV-ის ფარგლებში, კვლავ შეუძლიათ განაცხადის შეტანა მხოლოდ იმ შემთხვევაში, თუ უკვე მიღებული გრანტი სრულად და წარმატებით განხორციელდა საბოლოო მიღება ჩაბარების გაფორმებისა და ანგარიშსწორების ჩათვლით. და ხელშეკრულების პირობების დარღვევა არ გამოვლენილა. თუმცა, გასათვალისწინებელია, რომ განმცხადებლებს არ აქვთ უფლება განაცხადი შემოიტანონ იმ აღჭურვილობაზე, რომელიც უკვე მიღებული აქვთ წინა გრანტის ფარგლებში. დამატებით, პროგრამის ფარგლებში ერთ ბენეფიციარზე მისაღები საერთო გრანტის თანხა არ უნდა აღემატებოდეს მაქსიმალურ ჯამურ ზღვარს: 50,000 აშშ დოლარს.
• ბენეფიციარები, რომლებსაც წინა საგრანტო კონკურსის ფარგლებში დაუფინანსდა ლენტური კონვეიერები ვერ შეძლებენ ვერტიკალური ელევატორებზე განაცხადის შეტანას. 

დასაფინანსებელი ინვესტიციები

მიმდინარე საგრანტო კონკურსის ფარგლებში, განმცმხადებლებს შესაძლებლობა მიეცემათ განაცხადი წარმოადგინონ, შერჩეული მიმწოდებლებისგან ერთი ან რამდენიმე აღჭურვილობის შეძენაზე:

• ვერტიკალური თხილის საშრობები, სხვადასხვა სიმძლავრით და მოცულობით
• ლენტური კონვეიერი ან ვერტიკალური ელევატორი (შესაბამისი თხილის საშრობისთვის განკუთვნილი)
• უცხო სხეულების გამცლელები (Destoner)
• თხილის გასარჩევი მაგიდები

აღჭურვილობისთვის, სადაც ერთზე მეტი ვარიანტია ხელმისაწვდომი, განმცხადებლებმა უნდა აირჩიონ მხოლოდ ერთი. გთხოვთ, კონკრეტული ტექნიკის შერჩევამდე კარგად გაეცნოთ მოდელის სპეციფიკაციებსა და დეტალურ ინფორმაციას. გაითვალისწინეთ, რომ სიაში არსებულ ყოველ თხილის საშრობს მიესადაგება შესაბამისი მწარმოებელის ლენტით დამტვირთავი კონვეიერი/ვერტიკალური ელევატორი (მითითებულია მოდელის გასწვრივ). იმ შემთხვევაში თუ განმცხადებელი გადაწყვეტს განსხვავებული მოდელის ლენტური კონვეიერის შეძენას, ტექნიკის თავსებადობასა და გამოყენებაზე თავად იღებს პასუხისმგებლობას.

მომწოდებლების საკონტაქტო ინფორმაცია:

კომპანია: მომწოდებელი: შპს ფართსარეა

თემურ ცუცქირიძე– tt@farmarea.ge   – M (+995) 598 884 433
ნელი ჭიკაძე –logistics@farmarea.ge   – M (+995) 597 73 11 10

კომპანია: ი/მ ზურაბ მარკოზია

გიორგი ჭილაია – gia131@gmail.com – (+995) 568 68 43 43
ზურაბ მარკოზია _ geomark2004@gmail.com –  – (+995) 592 33 31 00

კომპანია: შპს თეგეტა ქონსთრაქშენ ექვიფმენთი 

გიორგი მარდალეიშვილი – G.Mardaleishvili@tce.ge – M (+995) 595 12 93 56

ხარჯების განაწილება (თანადაფინანსება)
თანამონაწილეობრივი გრანტი წარმოადგენს სრული ინვესტიციის 70%-ს, რომელიც გაიცემა გრანტის მიმღების (განმცხადებელის) მიერ გადასახდელი 30%-ის თანამონაწილეობის მხარდასაჭერად. იმ შემთხვევაში, თუ განმცხადებლის მიერ შერჩეული ტექნიკის ღირებულების 70% ცდება 50,000 აშშ დოლარს, განმცხადებელს მოუწევს სხვაობის საკუთარი ხარჯებით დაფარვა.

განმცხადებელმა უნდა შეავსოს განაცხადის ფორმა გრანტების მართვის ონლაინ პლატფორმაზე, რომელიც ხელმისაწვდომია შემდეგ ბმულზე: https://enpard-grant.smapply.io/prog/472_support_package_for_small_and_medium-sized_hazelnut_producers
პლატფორმაზე გადასვლის შემდეგ განმცხადებელმა უნდა შექმნას ანგარიში, ელ.ფოსტის მისამართისა და პაროლის მითითებით. სისტემაში შესვლის შემდეგ, განმცხადებელი შეძლებს საგრანტო კონკურსში მონაწილეობის შესახებ განაცხადის ოფიციალურად წარდგენას. მან უნდა აღწეროს პროექტი, შეარჩიოს ინვენტარი რომლისთვისაც იგი ითხოვს გრანტს და წარმოადგინოს ყველა დამატებითი დოკუმენტი.

გთხოვთ გაითვალისწინოთ, რომ განაცხადების დაფინანსდება განხორციელდება რიგითობის  პრინციპით, ბიუჯეტის ამოწურვამდე.

განაცხადის შინაარსი
განმცხადებლებმა სამართლებრივი სტატუსიდან გამომდინარე, უნდა წარმოადგინონ შემდეგი დამატებითი დოკუმენტები:

კომპანიებისთვის/მცირე და საშუალო საწარმოებისთვის:

• დირექტორის/თავმჯდომარის პასპორტის ან პირადობის მოწმობის ასლი
• რეგისტრაციის მოწმობა საჯარო რეესტრის ეროვნული სააგენტოდან (კომპანია უნდა იყოს რეგისტრირებული განაცხადის წარდგენამდე მინიმუმ 6 თვით ადრე)
• განაცხადში მითითებული ქონების/თხილის ბაღის საკუთრების მოწმობა ან იჯარის ხელშეკრულება
• ცნობა შემოსავლების სამსახურიდან დავალიანების/საგადასახადო დავალიანების არარსებობის შესახებ
• თხილის ბაღის ფოტო/ვიდეომასალა

გთხოვთ, გაითვალისწინოთ, რომ მცირე და საშუალო საწარმოებისთვის განკუთვნილი განაცხადი უნდა წარმოადგინოს მხოლოდ ორგანიზაციის კანონიერმა წარმომადგენელმა ან პირმა, რომელიც უფლებამოსილია წარადგინოს განცხადებები ნოტარიულად დამოწმებული მინდობილობის საფუძველზე.

კოოპერატივებისთვის:

• კოოპერატივის წარმომადგენლის პასპორტის ან პირადობის მოწმობის ასლი
• რეგისტრაციის მოწმობა საჯარო რეესტრის ეროვნული სააგენტოდან
• განაცხადში მითითებული ქონების/თხილის ბაღის საკუთრების მოწმობა ან იჯარის ხელშეკრულება
• თხილის ბაღის ფოტო/ვიდეომასალა

გთხოვთ, გაითვალისწინოთ, რომ კოოპერატივებისთვის განკუთვნილი განაცხადი უნდაწარმოადგინოს მხოლოდ ორგანიზაციის კანონიერმა წარმომადგენელმა ან პირმა რომელიც უფლებამოსილია წარადგინოს განცხადებები ნოტარიულად დამოწმებული მინდობილობის საფუძველზე.

ინდივიდუალური მეწარმეებისთვის:

• პასპორტის ან პირადობის მოწმობის ასლი
• განაცხადში მითითებული ქონების/თხილის ბაღის საკუთრების მოწმობა ან იჯარის ხელშეკრულება
• იმ შემთხვევაში, თუ მიწა ეკუთვნის უშუალოდ ოჯახის წევრს (მეუღლე, შვილი, მშობელი, დედ-მამიშვილი), საჭიროა დაბადების მოწმობ(ებ)ის, ქორწინების მოწმობის, ან სხვა ოჯახის წევრობის დამადასტურებელი დოკუმენტის წარმოდგენა.
• რეგისტრაცია ინდივიდუალურ მეწარმედ (თუ განმცხადებელი ჯერ არ არის რეგისტრირებული, მას მოეთხოვება დარეგისტრირება, საგრანტო ხელშეკრულების გაფორმებამდე)
• თხილის ბაღის ფოტო/ვიდეომასალა

1) კონკურსში დაშვების კრიტერიუმები და ბიუჯეტის შემოწმება: განაცხადის წარდგენისთანავე, „FAO“ შეამოწმებს განაცხადის ფორმაში არსებულ ბიუჯეტს და განმცხადებლის დაშვებადობის კრიტერიუმებს. „FAO“ ასევე განახორციელებს პლატფორმაზე ატვირთული დამატებითი დოკუმენტაციის წინასწარ განხილვას, რათა დარწმუნდეს, რომ ყველა დოკუმენტი პროგრამის მოთხოვნის სათანადოდ იქნა წარმოდგენილი.

ვერიფიკაციის საველე ვიზიტი: წინა ეტაპების დასრულების შემდეგ, FAO-მონიტორინგის გუნდი ჩაატარებს საველე ვიზიტს განმცხადებელის საკუთრებაში, მათ შორის მის თხილის ბაღში, რათა გადაამოწმოს განაცხადში მითითებული ინფორმაცია.

2) ტექნიკური შეფასება და განაცხადის ქულა

თითოეული განაცხადი შეფასდება ქვემოთ წარმოდგენილი კრიტერიუმების მიხედვით:

• განაცხადი სრული, თანმიმდევრული და ინფორმატულია.
• შეთავაზებული ინვესტიცია მორგებულია ბაღის ზომასა და საქმიანობას.
• ფართი შესაფერისია თხილის წარმოებისა და ინვენტარის გამოყენებისთვის.
• განმცხადებელს გააჩნია შესაბამისი პროფესიული გამოცდილება.
• განმცხადებელს აქვს კარგი წარმოდგენა სურსათის უსაფრთხოების რისკებზე, რომლებიც დაკავშირებულია მის საქმიანობასთან.
• განმცხადებელს აქვს მაღალი პოტენციალი გაუმჯობესებული სურსათის უსაფრთხოების პრაქტიკის დანერგვისთვის.
• ინტერესთა კონფლიქტის ან ეთიკურობის პრინციპების დარღვევის პრობლემა არ ფიქსირდება.
• გრანტს ექნება პირდაპირი გავლენა თხილის უსაფრთხოებაზე.

3/ განაცხადების შერჩევის პროცესი:  განაცხადის წარმატებული ტექნიკური გადახედვის შემდეგ, გრანტის გაცემის გადაწყვეტილებას მიიღებს განაცხადების განხილვის კომიტეტი, რომელიც შედგება ENPARD-ის პროგრამის მენეჯერისგან (თავმჯდომარე), FAOGE-ის ოპერაციების სპეციალისტისგან (მდივანი), FAOGE-ის საერთაშორისო სურსათის უსაფრთხოების ექსპერტისა და თანაგამხორციელებელი პარტნიორის (CzDA) წარმომადგენლისგან. კომისია უფლებამოსილია  შეარჩიოს ან უარი თქვას განაცხადზე, მოითხოვოს დამატებითი დამხმარე დოკუმენტაცია, ინიცირება გაუკეთოს ცვლილებებს ან დაამატოს პირობები განაცხადის დადასტურებამდე. შერჩევის კომისიის გადაწყვეტილებები გრანტის მინიჭების შესახებ აისახება ოქმში, რომელსაც ხელს აწერს კომისიის ოთხივე წევრი. ხელმოწერილი ოქმები გადაეცემა „FAO“-ს პროექტის ბიუჯეტის მფლობელს, საბოლოო დადასტურებისთვის.

გადახდის მეთოდი: გრანტის გაცემის შემთხვევაში, „FAO“ დაუკავშირდება გრანტის მიმღებს საგრანტო ხელშეკრულების შედგენის მიზნით, რომელიც გაფორმდება გრანტის მიმღებსა და „FAO“-ს შორის. საგრანტო ხელშეკრულების ხელმოწერის შემდეგ, გრანტის მიმღებმა უნდა განახორციელოს გადახდა მომწოდებელთან განსაზღვრულ ვადაში.. შემდგომ ამისა, მომწოდებელი გრანტის მიმღებს გადასცემს აღჭურვილობას. ასევე, შესაძლოა განხორციელდეს საველე ვიზიტი აღჭურვილობის მიწოდების დასადასტურებლად, რის შემდეგაც „FAO“ დაფარავს თანამონაწილებრივი გრანტის ოდენობას უშუალოდ მომწოდებელთან.

საგრანტო სახელმძღვანელო: სრული პროცესის შესახებ დეტალური ინფორმაცია შეგიძლიათ იხილოთ შემდეგ ბმულზე.

მონიტორინგი და შეფასება: გრანტის მიღებისთანავე, გრანტის მიმღები იღებს ვალდებულებას შეინახოს და შეინარჩუნოს ყველა მიწოდებული ინვენტარი (სათადარიგო ნაწილების ჩათვლით) ხელშეკრულების გაფორმების თარიღიდან სულ მცირე ხუთი წლის განმავლობაში. განმცხადებელი ასევე ვალდებულია დაიცვას ღია კარის პოლიტიკა და ხელი შეუწყოს მის შენობაში/ობიექტზე ვიზიტების განხორციელებას „FAO“-ს მოთხოვნის შემთხვევაში. და ბოლოს, „FAO“ განახორციელებს ყოველწლიურ ვიზიტს, რათა უზრუნველყოს აღჭურვილობის სათანადო გამოყენება.

დამატებითი ინფორმაციისათვის დაგვიკავშირდით:

მობ: +995 599 00 11 86
მობ: +995 599 045 329
ელ-ფოსტა: FAO-Georgia-Grants@fao.org