fbpx
Skip to main content

სანიტარიული, ფიტოსანიტარიული და სურსათის უვნებლობის სისტემის შემდგომი პროგრესის უზრუნველყოფა საქართველოში

Project Description
პროექტი მიზნად ისახავს, დაეხმაროს საქართველოს სურსათის ეროვნულ სააგენტოსა და საქართველოს გარემოს დაცვისა და სოფლის მეურნეობის სამინისტროს საკანონმდებლო და მარეგულირებელი ბაზის შემუშავებასა და დანერგვაში და საჭირო პროცედურების მომზადებაში, სურსათის უვნებლობის, ვეტერინარიისა და ფიტოსანიტარიის სფეროში პროგრესის გაღრმავების მიზნით. ეს ხელს შეუწყობს აღნიშნული უწყებების ძალისხმევას დანერგონ ევროკავშირის შესაბამისი კანონმდებლობა და ევროპის საუკეთესო პრაქტიკა ამ მნიშვნელოვან სფეროში. ამ მიზნის მისაღწევად, ორწლიანი პროექტის ფარგლებში, ევროპელი ექსპერტები ლატვიის, ესტონეთისა და შვედეთის შესაბამისი ინსტიტუტებიდან იმუშავებენ ქართველ კოლეგებთან ერთად რამდენიმე მიმართულებით, რაც მოიცავს კანონმდებლობის შემუშავებას, ტრენინგების ჩატარებასა და სხვა ინსტრუმენტების მომზადებას სურსათის უვენბლობის ხარისხის გასაუმჯობესებლად. უფრო ფართო თვალსაზრისით, პროექტი და მისი შედეგები უნდა დაეხმაროს საქართველოს განავითაროს ქმედითი საბაზრო ეკონომიკა და შეძლოს ევროკავშირის ბაზარზე წარმატებული კონკურენცია, მომხმარებელთა დაცვისა და სურსათის უვნებლობის მაღალი სტანდარტების მიღწევასთან ერთად.

პროექტი შედგება სამი კომპონენტისგან, რომელიც ითვალისწინებს საქმიანობას სამ ძირითად სფეროში: ა) კანონმდებლობის დაახლოება, ბ) შესაძლებლობების გაძლიერება და გ) კანონმდებლობის აღსრულება.

პირველ მიმართულებაში, პროექტი განახორციელებს სურსათის უვნებლობის, ვეტერინარიისა და ფიტოსანიტარიის შესახებ შესაბამისი კანონმდებლობის რევიზიასა და საკანონმდებლო აქტებში ცვლილებებთან დაკავშირებული წინადადებების მომაზადებას. ლატვიის, ესტონეთისა და შვედეთის ექსპერტები მხარს დაუჭერენ საქართველოს სურსათის ეროვნულ სააგენტოსა და საქართველოს გარემოს დაცვისა და სოფლის მეურნეობის სამინისტროს, ევროკავშირის სურსათის უვნებლობის, ვეტერინარიისა და ფიტოსანიტარული პოლიტიკის კანონმდებლობასთან (თავი 12) დაახლოების ეფექტურად ფუნქციონირებადი პროცესის შექმნაში.
მეორე მიმართულება ფოკუსირებულია საქართველოს სურსათის ეროვნული სააგენტოს მხარდაჭერაზე, როგორც ცენტრალურ, ასევე რეგიონულ დონეზე, რათა სურსათის პირველადი წარმოებისას უფრო ეფექტურად დანერგოს ჰიგიენისა და უსაფრთხოების სტანდარტები და სააგენტო უკეთესად იყოს მომზადებული, სურსათის უვნებლობის, ვეტერინარული და ფიტოსანიტარული საკითხების გადასაჭრელად. აღნიშნული მიმართულება მოიცავს სურსათის ჰიგიენის, უსაფრთხოებისა და ვეტერინარულ სტანდარტების პირველად წარმოებაში არსებული მდგომარეობის შეფასებას, ასევე სხვადასხვა სამიზნე ჯგუფებისთვის, სახელმძღვანელო პრინციპების, რეკომენდაციებისა და ტრენინგ მასალების მომზადებას. პროექტის ეს კომპონენტი მოიცავს ბიომრავალფეროვნების საკითხსაც.

მესამე მიმართულება ითვალისწინებს საქართველოს სურსათის ეროვნული სააგენტოსთვის სურსათის უვნებლობის, ვეტერინარიისა და ფიტოსანიტარიის ახალი კანონმდებლობის მხარდაჭერის აღსრულებას. დაგეგმილია, ევროკავშირის ახალი რეგულაციების მიხედვით სურსათის უვნებლობის, ვეტერინარული და ფიტოსანიტარული სისტემის გაუმჯობესება. მომხმარებლებისთვის სურსათის უვნებლობა გაიზრდება და ხელი შეეწყობა საკვების იმპორტსა და ექსპორტს. აღნიშნული კომპონენტის ღონისძიებები მოიცავს რისკების ოფიციალური შეფასების იმპლემენტაციას, იმპორტირებული საკვების მონიტორინგის გაუმჯობესებას, სანიტარული და ფიტოსანიტარული კონტროლის გაძლიერებას, სასაზღვრო პროცედურების რევიზიასა და სასაზღვრო კონტროლოს საკითხებზე სამუშაო შეხვედრების (ვორკშოპების) ჩატარებას.
Specific Objective
პროექტის კონკრეტულ მიზანს წარმოადგენს სურსათის უვნებლობის, ვეტერინარული და ფიტოსანიტარული პოლიტიკის კომპეტენტური ორგანოების შესაძლებლობების გაუმჯობესება ევროკავშირის კანონმდებლობის დანერგვის მიზნით, რაც გულისხმობს სურსათის ეროვნული სააგენტოს უკვე არსებული და გაუმჯობესებული ადმინისტრაციული, ორგანიზაციული და მართვის სტრუქტურისა და ტექნიკური შესაძლებლობების შემდგომ განვითარებას, და სხვა იმ ძირითადი სამთავრობო ინსტიტუტების მხარდაჭერას, რომლებიც ეხმარებიან სურსათის ეროვნულ სააგნეტოს თავისი მოვალეობების შესრულებაში საქართველოს კანონმდებლობისა და საერთაშორისო საუკეთესო პრაქტიკის შესაბამისად.
Expected Results
პროექტის მოსალოდნელი შედეგები დაყოფილია სამი ძირითადი სფეროს მიხედვით, რომლებშიც ცალ-ცალკე განსაზღვრულია უფრო კონკრეტული ქვე-შედეგები, კერძოდ:
სფერო 1: ევროკავშირის შესაბამის კანონმდებლობასთან ეფექტური დაახლოების უზრუნველსაყოფად, სუსრსათის ეროვნული სააგენტოს ადმინისტრაციული და საოპერაციო შესაძლებლობების მხარდაჭერა
• ევროკავშირის კანონმდებლობასთან დაახლოების გეგმის შესაბამისად, სურსათის უვნებლობის, ვეტერინარული და ფიტოსანიტარული პოლიტიკის შესახებ კანონმდებლობა შემუშავებული და მიღებულია ეფექტურად.
• ევროკავშირის კანონმდებლობასთან დაახლოებული სურსათის უვნებლობის, ვეტერინარული და ფიტოსანიტარიული კანონმდებლობის წარმატებულ იმპლემენტაციაზე სისტემატურ მონიტორინგს ახორციელებს სურსათის ეროვნული სააგენტოს მენეჯმენტის სისტემა.
სფერო 2: ცენტრალურ და რეგიონალურ დონეზე სურსათის უვნებლობის, ვეტერინარული და ფიტოსანიტარული საკითხებისა და პირველადი წარმოების ჰიგიენისა და უვნებლობის სტანდარტების დანერგვის მხარდაჭერა
• შემუშავდა და ეფექტურად დაინერგა სურსათის უვნებლობის, ვეტერინარული და ფიტოსანიტარული პოლიტიკის მონიტორინგის/მეთვალყურეობის პროგრამები
• შემოღებულია ვეტერინარული ბიო-უსაფრთხოების ზომები
• პირველადი წარმოების სფეროში ჰიგიენისა და უსაფრთხოების სტანდარტების დანერგვა გაძლიერებულია
• ფიტოსანიტარული ინფორმაციის სისტემა შექმნილია
სფერო 3: ქვეყანაში, ევროკავშირის კანონმდებლობასთან ახლადაახლოებული სურსათის უვნებლობის, ვეტერინარული და ფიტოსანიტარიული კანონმდებლობის აღსრულების მხარდაჭერა
• ჰიგიენისა და უსაფრთხოების სტანდარტების დაცვა გაძლიერებულია
• ფიტოსანიტარული, ვეტერინარული და სურსათის უვნებლობის (სფს) საზღვრის შემოწმების კონტროლი გაძლიერებულია
• მცენარეთა ჯანმრთელობისა და მცენარეული წარმოების პროდუქტების კონტროლის შესაძლებლობები გაძლიერებულია
• ქვეყანაში ცხოველთა დაავადებების კონტროლის შესაძლებლობები გაძლიერებულია.
Beneficiaries
Training on general and specific hygiene requirements for primary production
Tabletop simulation exercise for African Swine Fever outbreak
Training of veterinary border inspectors
National Food Agency in Georgia and Twinning project experts from Latvia work together for improvement of official controls in primary production of dairy products
Training and experience sharing with veterinary specialists of National Food Agency on primary milk production requirements and official control
Training of veterinary, food safety and phytosanitary border inspectors
Development of epidemiological surveillance programmes for strengthening control of animal diseases
Assisting National Food Agency in developing surveillance and monitoring program for fish diseases
Training on Standard Operating Procedures (SOPs) for border control of food and feed of non-animal origin
Training on epidemiological investigation of foodborne outbreaks
Development of monitoring and surveillance programmes for priority plant pests
Development of epidemiological surveillance programmes for strengthening control of animal diseases
Improvement of official controls in area of primary production
Training on Pest Risk Analysis & Management
Project map
PROJECT DETAILS
საქართველო
Priority Area:
პარტნიორობა, რომელიც ქმნის
Subsector:
სოფლის მეურნეობა და სასოფლო განვითარება
Topic:
სოფლის მეურნეობა
Project Status:
დასრულებულია
Start Date:
19.10.2020
End Date:
01.05.2023
EU Project Number:
418-130