ევროკავშირის პროგრამა „შემოქმედებითი ევროპა“ ხელს უწყობს კულტურის და შემოქმედებითი სექტორეების განვითარებას.
ის მხარს უჭერს პროექტებს, რომლებსაც აქვს მოგზაურობის, ახალ აუდიტორიებზე წვდომის, უნარების გაზიარების და განვითარების პოტენციალი.
მოლდოვა, საქართველო, სომხეთი და უკრაინა სრულად მონაწილეობენ კულტურის ქვეპროგრამაში, და ნაწილობრივ - მედიის პროგრამაში (ტრენინგი, ფესტივალები, ფილმებთან დაკავშირებული საგანმანათლებლო საქმიანობა და ბაზრების ათვისება). პარტნიორ ორგანიზაციებს იმ ქვეყნებიდან, რომლებიც პროგრამაში არ მონაწილეობენ (აზერბაიჯანი და ბელარუსი), შეუძლიათ გაერთიანება ნებისმიერ კონსორციუმში, რომელსაც ჰყავს შესაბამისი პარტნიორების მინიმალური რაოდენობა. კულტურის ქვეპროგრამაში გამოყოფილი დაფინანსების მაქსიმუმ 30% შეიძლება მესამე ქვეყნებში დაიხარჯოს.
სომხეთი 2018 წლის 1 იანვრიდან აწარმოებს მოლაპარაკებას შემოქმედებით ევროპის კულტურის ქვეპროგრამაში მონაწილეობაზე.

შემოქმედებითი ევროპა ორი ქვეპროგრამისგან შედგება:

კულტურის ქვეპროგრამა მხარს უჭერს კულტურის და შემოქმედებით სექტორებს, მათ შორის:
- კულტურული თანამშრომლობის პროექტები.
- ლიტერატურული თარგმანის პროექტები
- კულტურის სფეროს ქსელები.
- პლატფორმები კულტურის სფეროს ოპერატორებისთვის.

მედია ქვეპროგრამა მხარს უჭერს აუდიო-ვიზუალური ნამუშევრების შექმნას და გავრცელებას, მათ შორის:
- ტრენინგი.
- ფესტივალები.
- ფილმებთან დაკავშირებული საგანმანათლებლო საქმიანობა.
- ბაზრებზე წვდომა.

- კულტურის და შემოქმედებითი სექტორების მხარდაჭერა ციფრული ეპოქის და გლობალიზაციის შესაძლებლობებით სარგებლობის მიზნით.
- სექტორების ხელშეწყობა მათი ეკონომიკური პოტენციალის მიღწევაში, მდგრადი განვითარების, დასაქმების და სოციალური ერთიანობის მხარდაჭერა.
- ევროპის კულტურის და მედია სექტორების ახალ საერთაშორისო შესაძლებლობებზე, ბაზრებსა და აუდიტორიებზე წვდომის უზრუნველყოფა.