„ჰორიზონტი 2020“ - ეს არის ევროკავშირის ჩარჩო-პროგრამა სამეცნიერო კვლევისა და ინოვაციისთვის. ის აფინანსებს სამეცნიერო კვლევას და ინოვაციებს მულტინაციონალური თანამშრომლობის პროგრამებისა და დამოუკიდებელი მკვლევრებისთვის, და მხარს უჭერს მცირე და საშუალო საწარმოებს დაფინანსების სპეციალური ინსტრუმენტით.
მოლდოვის რესპუბლიკა, საქართველო, სომხეთი და უკრაინა ასოცირებული არიან პროგრამასთან „ჰორიზონტი 2020“ და მონაწილეობენ მასში იმავე წესების საფუძველზე, როგორც ევროკავშირის წევრი სახელმწიფოები. დაფინანსების მიღების უფლება ასევე აქვთ მკვლევრებს აზერბაიჯანიდან და ბელარუსიდან.

პროგრამის „ჰორიზონტი 2020“ ესწრაფვის მდგრადი ეკონომიკური განვითარების ხელშეწყობას და სამუშაო ადგილების შექმნას სამეცნიერო კვლევის და ინოვაციების გაერთიანების საფუძველზე; ამ პროცესში განსაკუთრებული ყურადღება ექცევა მოწინავე მეცნიერებას, ლიდერობას მრეწველობის სფეროში და საზოგადოების პრობლემების გადაჭრას.

პროგრამის მიზანია ხელი შეუწყოს მსოფლიო დონის მეცნიერებას, ინოვაციების მიმართულების არსებული ბარიერების დაძლევას, და სახელმწიფო და კერძო სექტორების თანამშრომლობას ინოვაციების დანერგვის პროცესში.

„ჰორიზონტი 2020“-ის 2018-2020 წლების სამუშაო პროგრამის საინვესტიციო ფონდი 30 მილიარდ ევრომდეა, საიდანაც უმეტესი ნაწილით დაფინანსდება საგრანტო საკონკურსო წინადადებები შემდეგ სფეროებში:
მოწინავე მეცნიერება; ლიდერობა მრეწველობაში; საზოგადოებრივი გამოწვევები; მოწინავე გამოცდილების გავრცელება და მონაწილეობის გაფართოება; მეცნიერება საზოგადოებასთან ერთად და საზოგადოებისთვის; ევროპის ინოვაციების და ტექნოლოგიის ინსტიტუტი (EIT); ევრატომი.

აღმოსავლეთ პარტნიორობის რეგიონში ხელს შეუწყობენ თანამშრომლობის შესაძლებლობებს სხვადასხვა სახის კონკურსების საშუალებით, განსაკუთრებული ყურადღებით შემდეგ სფეროებზე:
- პროგრამის „ჰორიზონტი 2020“ „მონაწილეობის გაფართოების“ პრიორიტეტი კვლევის და ინოვაციის პოტენციალის გასაძლიერებლად „ჰორიზონტი 2020“-სთან ასოცირებულ ოთხ ქვეყანაში (მოლდოვა, საქართველო, სომხეთი და უკრაინა) შემდეგ პროექტებს მოიცავს: TWINNINGS, ERA კათედრები, პოლიტიკის მხარდაჭერის მექანიზმი, ტრენინგი ეროვნულ საკოორდინაციო ცენტრში (NCP), COST საქმიანობა (თანამშრომლობა მეცნიერებასა და ტექნოლოგიაში), ინოვაციის დაფინანსების ინსტრუმენტები (INNOVFIN, მცირე და საშუალო საწარმოების ინსტრუმენტი, უმოკლესი გზა ინოვაციისკენ), სახელმწიფო-კერძო პარტნიორობები და ერთობლივი ტექნოლოგიური ინიციატივები.
- კონკურსები 200 მილიონ ევრომდე ბიუჯეტით გამოყოფილი იყო აღმოსავლეთ პარტნიორობის ქვეყნებზე, რესურსების ეფექტიანობის და ენერგოეფექტურობის საკითხების გადასაჭრელად გადამამუშავებელი წარმოებისთვის (SPIRE).
- სპეციალურ მხარდაჭერას პროგრამის „ჰორიზონტი 2020“ საკონკურსო წინადადებებს რეგიონულ დონეზე უწევს EAP PLUS პლატფორმა, ხოლო ბილატერალურ დონეზე უკრაინასთან - RI-LINKS2UA.