ევროკავშირისა და ევროპის საბჭოს ერთობლივი პროექტი მიზნად ისახავს კიბერდანაშაულის შესახებ ბუდაპეშტის კონვენციასთან შესაბამისი საკანონმდებლო და სტრატეგიული ჩარჩოს მიღებას; მოსამართლეთა, პროკურორთა და სამართალდამცავ ორგანოთა შესაძლებლობის განვითარებასა და უწყებათაშორისი თანამშრომლობის გაძლიერებას; და კიბერდანაშაულისა და ელექტრონული მტკიცებულების სფეროში საერთაშორისო თანამშრომლობისა და სისხლის სამართლის ინსტიტუციების მიმართ ნდობის გაზრდას, რაც ასევე მოიცავს პარტნიორობას ინტერნეტის მომსახურების მიმწოდებლებსა და სამართალდამცავ ორგანოებს შორის.

პროექტის მიზანს წარმოადგენს აღმოსავლეთ პარტნიორობის წევრი ქვეყნების კიბერ-მდგრადობისა და სისხლის სამართლის მართლმსაჯულების სისტემის შესაძლებლობათა ზრდა და განვითარება, რათა გაუმჯობესდეს მათი კიბერ-საფრთხეებთან გამკლავების ხარისხი და საერთო უსაფრთხოების დონე.

პროექტის ქმედებები გამიზნულია, აღმოსავლეთ პარტნიორობის წევრ ქვეყნებს დაეხმაროს ქვემოთ მითითებული მიზნების მიღწევაში:
- ეროვნულ კანონმdებლობაში კიბერდანაშაულის შესახებ ბუდაპეშტის კონვენციის მატერიალური და საპროცესო დებულებების იმპლემენტაციის დონე;
- კიბერდანაშაულთან ბრძოლის განახალებული და დამტკიცებული სტრატეგიები და სამოქმედო გეგმები;
- კიბერდანაშაულთან ბრძოლის გაძლიერებული და ქმედითი დანაყოფები;
- უკეთესი უწყებათაშორისი თანამშრომლობა და ინფორმაციის გაცვლა;
- კიბერდანაშაულის წინააღმდეგ მიმართულ ღონისძიებებში სამოქალაქო საზოგადოების მეტი ჩართულობა, ამგვარი ღონისძიებების გაუმჯობესებული ზედამხადეველობა და მეტი ხილვადობა;
- კიბერდანაშაულისა და ელექტრონული მტკიცებულების სფეროში გაუმჯობესებული საერთაშორისო თანამშრომლობა;
- კერძო/საჯარო პარტნიორობის არსებობა კერძო ორგანიზაციებსა და სამართალდამცავ ორგანოებს შორის.