პროგრამა "EU4GenderEquality: რეფორმების დახმარების სამსახური“ განახორციელებს გენდერულ ანალიზს და ექსპერტულ რეკომენდაციებს გენდერული თანასწორობის საკითხებზე მთელ რიგ სფეროებში, კერძოდ: შრომის ბაზრის პოლიტიკა, ეკონომიკური განვითარება, საჯარო ადმინისტრაცია, მართლმსაჯულების რეფორმები, ჯანდაცვა და სოციალური სამსახურები და განათლების და ოჯახის პოლიტიკა. პროგრამის მიზანია გენდერული თანასწორობის გაუმჯობესება გენდერული ანალიზის საფუელზე გადაწყვეტილების მიღების, რეფორმების, პოლიტიკის და პროგრამების სფეროებში. დახმარების სამსახურის ძირითადი სამიზნეა ეროვნულ მთავრობები და საჯარო ადმინისტრაციები, ევროკავშირის წარმომადგენლობები რეგიონში და ზოგადად დაინტერესებული საზოგადოება.

ცოდნის საფუძვლების გაღრმავება და გენდერული ანალიზის გამოყენება გადაწყვეტილების მიღების და რეფორმების პროცესში აღმოსავლეთ სამეზობლოს მთავრობების და ევროკავშირის წარმომადგენლობების მიერ, რათა უზრუნველყოფილი იყოს ეფექტური და თანაბარი შედეგები როგორც ქალების, ისე მამაკაცებისათვის.

- ექსპერტული რეკომენდაციების გაწევა აღმოსავლეთ სამეზობლოს მთავრობებისა და ევროკავშირის წარმომადგენლობებისთვის იმისათვის, რომ გენდერული ანალიზი ჩართული იყოს პოლიტიკის დასახვის და რეფორმების განხორციელების პროცესში.
- აღმოსავლეთ სამეზობლოს ქვეყნების მთავრობების და ევროკავშირის წარმომადგენლობების რეფორმებში ჩართული პერსონალი უკეთ არის ინფორმირებული გენდერ-სენსიტიური რეფორმების გავლენის შესახებ ინკლუზიურ და მდგრად განვითარებაზე, და აქვს უკეთესი პოტენციალი ფაქტებზე და ანალიზზე დამყარებული რეფორმების განსახორციელებლად.
- გაუმჯობესებულია მტკიცებულებითი ბაზა რეფორმების გავლენის შესახებ ქალებზე აღმოსავლეთ სამეზობლოს ქვეყნებში, და ის შესაბამისად არის გავრცელებული შერჩეულ სამიზნე ჯგუფებში.