საჯარო სამსახურების დაძმობილების პროექტის მიზანია საჯარო ფინანსებზე საპარლამენტო ზედამხედველობის გაძლიერება. ამ მიზნით, იგი ხელს შეუწყობს პარლამენტის საბიუჯეტო ოფისისა და საფინანსო-საბიუჯეტო კომიტეტის მიმდინარე საქმეებს მათი ანალიტიკური შესაძლებლობების, დაინტერესებულ მხარეებთან კომუნიკაციის სტრატეგიის გაძლიერებით და სამოქალაქო და ზოგადად, ფართო საზოგადოებასთან გაუმჯობესებული თანამშრომლობის უზრუნველყოფის გზით. პროექტის აქტივობები გაზრდის ანგარიშვალდებულებას, გააუმჯობესებს ფისკალურ გამჭვირვალობას და ხელს შეუწყობს დემოკრატიული ლეგიტიმაციის განმტკიცებას, რაც პირდაპირ სარგებელს მოუტანს საქართველოს მოქალაქეებს.

პროექტის მთავარი მიზანია ფისკალური მმართველობის გაძლიერება გაუმჯობესებული საბიუჯეტო ჩარჩოების, გარე აუდიტის, დამოუკიდებელი მონიტორინგისა და ზედამხედველობის მეშვეობით.
კონკრეტული მიზნები:
- საჯარო ფინანსებზე საპარლამენტო ზედამხედველობის გაძლიერება;
- პარლამენტის საბიუჯეტო ოფისის დამოუკიდებლობისა და ინსტიტუციური შესაძლებლობების გაძლიერება;
- საფინანსო-საბიუჯეტო კომიტეტის შესაბამის ინსტიტუტებთან და სხვა საპარლამენტო სუბიექტებთან, ასევე სამოქალაქო საზოგადოებასთან თანამშრომლობის გაზრდა.

- პარლამენტის საბიუჯეტო ოფისის ანალიტიკური შესაძლებლობების გაზრდა;
- პარლამენტის საბიუჯეტო ოფისის ხილვადობის გაზრდა;
- პარლამენტის საფინანსო-საბიუჯეტო კომიტეტის კომუნიკაციის გაუმჯობესება საბიუჯეტო პროცესის ძირიტად აქტორებთან;
- სხვა ინსტიტუტებთან და საპარლამენტო კომიტეტებთან პარლამენტის საფინანსო-საბიუჯეტო კომიტეტის თანამშრომლობის ეფექტურობის გაზრდა;
- თანამშრომლობა სამოქალაქო და ფართო საზოგადოებასთან.