პროექტს პოლონეთის ადმინისტრაციის ორგანოები განახორციელებენ. წამყვანი იქნება ინფრასტრუქტურის სამინისტრო და მასთან ერთად იმუშავებს სარკინიგზო ბაზარზე კარგად ცნობილი და ძლიერი 5 სხვა ორგანიზაცია (რკინიგზის ინფრასტრუქტურის მმართველი ორგანო, ეროვნული უსაფრთხოების ორგანო, მარეგულირებელი ორგანო, კვლევითი ინსტიტუტი და სხვ.)
პროექტის მიზანია, დაეხმაროს საქართველოს სარკინიგზო სფეროს სტრუქტურისა და სამართლებრივი გარემოს ევროკავშირის კანონმდებლობასთან დაახლოებაში, საქართველო-ევროკავშირს შორის ასოცირების შესახებ 2014 წლის შეთანხმების შესაბამისად.

პროექტის ზოგადი მიზანია საქართველოს სარკინიგზო სექტორის შესაბამის ევროპულ სტანდარტებსა და დებულებებთან მიახლოებისა და საქართველოს რკინიგზის მარეგულირებელი გარემოს გაძლიერების მხარდაჭერა. პროექტის კონკრეტული მიზანია სარკინიგზო ტრანსპორტთან დაკავშირებული ეროვნული კანონმდებლობის განახლება და ეროვნული ინსტიტუციური შესაძლებლობების გაძლიერება, მათ შორის, საქართველოს კანონმდებლობის შესაბამის ევროპულ კანონმდებლობასთან მიახლოებით, ევროკავშირსა და საქართველოს შორის 2014 წელს ხელმოწერილი ასოცირების შესახებ შეთანხმებით საქართველოს მიერ ნაკისრი ვალდებულებების შესრულების მიზნით.

დაძმობილების პროექტის მიზანია, მისი სასიცოცხლო ციკლის განმავლობაში, მდგრადი ცვლილებებისა და ეფექტურობის, ხოლო მისი დამთავრების შემდეგ, ხანგრძლივი შედეგების უზრუნველყოფა მართებული პოლიტიკის გატარების, სტრატეგიებისა და ყოველდღიური საქმიანობის თვალსაზრისით. პროექტის მიღწევები ყოველთვის დადებითად აისახება სარკინიგზო სექტორისა და ბაზრის მართვის, ადამიანი რესურსების და სხვა უწყებებსა და კერძო სექტორთან თანამშრომლობის ეფექტურობაზე.