“ქვეყანა მხოლოდ მაშინ იქნება ძლიერი, როდესაც ყველას მიეცემა თანაბარი შესაძლებლობა მაქსიმალურად გამოიყენოს საკუთარი პოტენციალი. დროა, ვიმუშაოთ იმ ბარიერების აღმოსაფხვრელად, რომლებიც ხელს უშლის გოგონებსა და ქალებს სრულყოფილი წვლილი შეიტანონ საქართველოს მაქსიმალურად გაძლიერებაში.” – განაცხადა ევროკავშირის ელჩმა საქართველოში კარლ ჰარცელმა.

ქალთა საერთაშორისო დღის აღსაღნიშნად, ევროკავშირი იწყებს კამპანიას „ძლიერი ქალები-ძლიერი საქართველო“, რომელიც მთელი მარტის განმავლობაში გაგრძელდება. კამპანიის მიზანია ხაზი გაუსვას იმ უმნიშვნელოვანეს როლს, რომელსაც ქალები ასრულებენ საქართველოში და, ასევე, წარმოაჩინოს ის გამოწვევები, რომლის წინაშე ისინი კვლავაც დგანან, იქნება ეს ქალთა მიმართ დისკრიმინაცია, გენდერული ნიშნით ძალადობა თუ COVID-19-ის მიერ გამოწვეული უარყოფითი შედეგები. 

მოუსმინეთ საქართველოში ევროკავშირის ელჩის, კარლ ჰარცელის გზავნილს, გაეცანით ქვემოთ მოცემულ ისტორიებს ქალებთან დაკავშირებით და შემოგვიერთდით ფეისბუქსა და ინსტაგრამზე შემდგომი დისკუსიისთვის მთელი მარტის განმავლობაში!